|
|
|
Хэрэгжилт |
Тайлбар |
Компанийн өөрийн үнэлгээ |
Хувь |
|
НЭГ. ТУЗ-ИЙН БҮТЭЦ,
ЗОХИОН БАЙГУУЛАЛТ НИЙТ |
|
|
12 |
25 |
| 1 |
ТУЗ нь олон талт ур чадвар, мэдлэг, туршлага, хараат бус байдал
зэргийг зохистойгоор хангасан, алсын хараатай, бүтээлч, үр дүнтэй
бүтэц байна
|
1.1. Компани нь ТУЗ-ийн үйл ажиллагааны
журмаар ТУЗ-ийн дарга, гишүүд, нарийн бичгийн даргын чиг үүрэг,
хариуцлагыг нарийвчлан зохицуулна. |
Бүрэн хэрэгжүүлсэн
|
ХасБанк нь ТУЗ-ийн үйл ажиллагааны журмыг 2023 оны 07 дугаар сарын 07-ны өдөр шинэчлэн баталсан. Тус журмын 5, 6 болон 13 дугаар зүйлүүдэд ТУЗ-ийн дарга, гишүүд болон нарийн бичгийн даргын чиг үүрэг, хариуцлагыг нарийвчлан зохицуулсан бөгөөд түүнийг өөрийн цахим хуудаст байршуулсан
2
4
(xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу).
2024 оны тайлан:
ТУЗ-ийн 2024 оны Үйл ажиллагааны тайланг бие даасан бүлэг байдлаар ХасБанкны 2024 оны жилийн үйл ажиллагааны тайланд тусгасан. Түүнчлэн “Жилийн үйл ажиллагааны тайлагнал маягт 1”-ийн дагуу 2025 оны 04 дүгээр сарын 28-ны өдрийн 4/4189 албан тоотоор Хороонд хүргүүлсэн. Мөн 2025 оны 04 дүгээр сарын 30-ны өдөр буюу тайлант хугацаанд багтаан олон нийтэд нээлттэйгээр байршуулсан болно.
2025 оны тайлан:
ТУЗ-ийн 2025 оны Үйл ажиллагааны тайланг ХасБанкны 2025 оны жилийн үйл ажиллагааны тайлан болон “Жилийн үйл ажиллагааны тайлагнал маягт 1”-ийн дагуу холбогдох хууль тогтоомжид заасан хугацаанд тайлагнаж, олон нийтэд нээлттэйгээр байршуулах болно.
(xacbank.mn-ийн Хөрөнгө оруулагчид -> Тайлан цэст хандана уу).
2025 онд ТУЗ-ийн үйл ажиллагааг цахимжуулж, мэдээллийн аюулгүй байдлыг хангах, дотоод мэдээллийн хадгалалт, дамжуулалтыг сайжруулах зорилгоор NASDAQ-ын Boardvantage хэмээх платформыг үйл ажиллагаандаа ашиглаж эхэлсэн бөгөөд бүрэн нэвтрүүлээд байна. Ингэснээр ТУЗ-ийн гишүүдэд мэйлээр мэдээлэл хүргүүлэх байдлыг зогсоож, зөвхөн платформоор дамжуулан watermark бүхий бичиг баримтуудыг хүргэдэг болсноор дотоод мэдээллийн аюулгүй байдал сайжирсан болно. Түүнчлэн, цахимаар санал өгөх үйл явц илүү хялбар ойлгомжтой болсноос гадна, саналын үр дүнг платформоос автоматаар боловсруулсан тайланг үйлдэх боломжтой болсон. |
2 |
100 |
| 2 |
1.2. Компани нь ТУЗ-ийн гишүүнийг сонгон
шалгаруулах, томилох асуудлыг тусгасан нэр дэвшүүлэх журам, залгамж
халааны бодлогын баримттай байна. |
Бүрэн хэрэгжүүлсэн
|
ХасБанк нь түүний алсын хараа, эрхэм зорилго, стратегийн зорилтод нийцүүлэн, стратегийн удирдлага, хяналтыг хэрэгжүүлэх, нийт хувьцаа эзэмшигч, оролцогч талуудын эрх ашгийг хамгаалах, дэмжих, ТУЗ-ийн үндсэн үүргийг гүйцэтгэхэд шаардагдах зохих ур чадвар, мөн чанар бүхий гишүүдээр ТУЗ-өө бүрдүүлэх зорилгоор “ТУЗ-ийн гишүүнийг сонгон шалгаруулах, нэр дэвшүүлэх ерөнхий журам”-ыг 2011 оны 11 дүгээр сарын 24-ний өдөр анх удаа баталж, улмаар хэд хэдэн удаа нэмэлт өөрчлөлт оруулах болон шинэчлэн найруулах зэргээр сайжруулан үйл ажиллагаандаа мөрдөж ирсэн. Хамгийн сүүлийн байдлаар ТУЗ-ийн 2025 оны 04 дүгээр сарын 30-ны өдрийн R-2025-22 тоот тогтоолоор “ТУЗ-ийн гишүүнийг сонгон шалгаруулах, нэр дэвшүүлэх, түүний залгамж халааг бэлдэх ерөнхий журам” нэртэйгээр шинэчлэн баталсан. Тус журамд ТУЗ-ийн гишүүний залгамж халааг бэлдэх зохицуулалтыг тусгасан. (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). |
2 |
100 |
| 3 |
1.3. ТУЗ-ийн гишүүн бүрийн ажлын туршлага,
ажилласан хугацаа, хараат бус байдал, хувьцааны эзэмшлийн хувь
хэмжээ, хуралдаанд оролцсон ирц зэрэг мэдээллийг жилийн үйл
ажиллагааны тайланд дэлгэрэнгүйгээр тусгаж, цахим хуудсандаа
байршуулна. |
Бүрэн хэрэгжүүлсэн
|
ХасБанкны 2024 оны Жилийн үйл ажиллагааны тайланг Санхүүгийн Зохицуулах Хорооны Үнэт цаасны бүртгэлийн журмын дагуу 2025 оны 04 дүгээр сарын 30-ны өдөр өөрийн цахим хуудаст байршуулсан. Уг тайланд ТУЗ-ийн гишүүн бүрийн ажлын туршлага, ажилласан хугацаа, хараат бус байдал, хувьцааны эзэмшлийн хувь хэмжээ, хуралдаанд оролцсон ирц зэрэг мэдээллийг тусгасан (xacbank.mn-ийн Хөрөнгө оруулагчид -> Тайлан цэст хандана уу). Мөн жишгээр 2025 оны Жилийн тайланг бэлтгэн, 2026 оны 04 дүгээр сарын 30-ны өдөрт багтаан цахим хуудсаараа дамжуулан нийтэд мэдээлнэ.
Түүнчлэн, ТУЗ нь үйл ажиллагаагаа сайжруулах, тулгамдаж буй асуудлыг тодорхойлон зохицуулах үүднээс өөрийн болон түүний дэргэдэх хороод, ТУЗ-ийн дарга, гишүүдийн үнэлгээг гишүүн тус бүрээс санал асуулга явуулах байдлаар жил тутам хийж, үнэлгээний үр дүнг ТУЗ-д танилцуулж ирсэн.
ТУЗ-ийн 2024 оны 06 дугаар сарын 21-ний өдрийн R-2024-31 тоот тогтоолоор гүйцэтгэлийн үнэлгээний процессийг сайжруулах зорилгоор “ТУЗ-ийн үнэлгээний журам”-ыг баталсан бөгөөд тус журмын дагуу ТУЗ-ийн ажлын гүйцэтгэлийн үнэлгээг хийн, Нэр дэвшүүлэх хорооны 08 дугаар сарын ээлжит хуралдаанд танилцуулсан болно. |
2 |
100 |
| 4 |
1.4. Компани нь ТУЗ болон түүний дэргэдэх
хороодын бүтэц, бүрэлдэхүүний бодлогын баримттай байх ба уг баримт
бичигт гишүүний боловсрол, мэргэшил, ур чадвар, туршлагад тавигдах
шаардлага болон хүйсийн тэнцвэрт байдал зэргийг тусгана. |
Бүрэн хэрэгжүүлсэн
|
ХасБанкны ТУЗ-ийн дэргэдэх байнгын хороод болох ЗЦУХ, НДХ, АХ, ЭУХ тус бүр нь ТУЗ-өөс баталсан өөрийн холбогдох дүрмүүдийг баримтлан үйл ажиллагаагаа явуулдаг. Тус дүрмүүдэд хороодын бүтэц, бүрэлдэхүүнийг нарийвчлан заасан. Гишүүний боловсрол, мэргэшил, ур чадвар, туршлагад тавигдах шаардлагыг НДХ-ны дүрмийн 3.1 дэх хэсэг, ЗЦУХ-ны дүрмийн 2.1 дэх хэсэг болон АХ-ны дүрмийн 2 дугаар зүйлд тус тус тусгасан (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу).
Хүйсийн тэнцвэрийн тухайд, АХ-ны дүрмийн 2.1 дэх хэсэгт “Гишүүдийн жендэрийн бүтэц нь жендерийн тэгш байдлыг хангах, эсхүл Санхүүгийн Зохицуулах Хорооноос баталсан Компанийн засаглалын кодекст заасан жендерийн төлөөллийн доод хэмжээг хангахыг эрмэлзэнэ” гэж тусгасан. 2025 оны 12 дугаар сарын 31-ний өдрийн байдлаар ХасБанкны ТУЗ нь нийт 11 гишүүний 27%-ийг эзлэх 3 эмэгтэй гишүүн болон 8 эрэгтэй гишүүний бүрэлдэхүүнтэйгээр үйл ажиллагаа явуулж байна. Өнөөгийн ТУЗ-ийн бүрэлдэхүүний бүрэн эрхийн хугацаа дуусч Хувьцаа эзэмшигчдийн 2026 оны ээлжит хурлаар дараагийн ТУЗ-ийн бүрэлдэхүүнийг сонгоход Компанийн засаглалын кодекст тусгасан хүйсийн тэнцвэрийн зөвлөмжийн дагуу нэр дэвшигчдийг дэвшүүлнэ. |
2 |
100 |
| 5 |
1.5. ТУЗ-ийн гишүүнийг анх томилогдоход
чиглүүлэх сургалтыг зохион байгуулах ба ажил үүргээ гүйцэтгэхэд
шаардлагатай ур чадвар, мэдлэг, мэдээллийг олгох, тэдгээрийг
шинэчлэх сургалтад тогтмол хамруулна. |
Бүрэн хэрэгжүүлсэн
|
ТУЗ-ийн гишүүнд нэр дэвшигчдийг компанийн засаглалын сургалтад нэн тэргүүнд хамруулж Монгол Улсын Компанийн тухай хууль, компанийн засаглалын онцлогийг таниулах сургалтыг зохион байгуулдаг. Тайлан гаргах өдрийн байдлаар ТУЗ-ийн хүчин төгөлдөр бүрэлдэхүүнд ажиллаж буй ТУЗ-ийн бүх гишүүд компанийн засаглалын сургалтад хамрагдаж гэрчилгээ авсан байна.
Хувьцаа эзэмшигчдийн 2026 оны ээлжит хурлаар ТУЗ-ийн гишүүдийг бүрэн бүрэлдэхүүнээр нь сонгохтой холбогдуулан, 2025 оны 12 дугаар сарын 31-ний өдрийн байдлаар 1 нэр дэвшигчийг Засаглалын сургалтад хамруулаад байна.
ТУЗ-ийн гишүүний мэдлэг, ур чадварыг дээшлүүлэх зорилгоор ТУЗ-ийн гишүүдийн хүрээнд сургалтыг тогтмол зохион байгуулдаг. ТУЗ-ийн 2025 оны сургалтын хөтөлбөрийг 2025 оны 04 дүгээр сарын 30-ны өдөр R-2025-24 тоот тогтоолоор баталж, түүний дагуу 2025 оны 12 дугаар сарын 05-ны өдөр “Дэлхийн эдийн засгийн тодорхойгүй байдал ба түүний Монголын эдийн засаг, банкны салбарт үзүүлэх нөлөө” сургалтыг зохион байгуулсан. Түүнчлэн, 2025 онд Олон Улсын Комплаенсын Холбооны Комплаенсын сертификат бүхий сургалтад нийт 4 ТУЗ-ийн гишүүн хамруулснаас хоёр гишүүн амжилттай төгсч сертификатаа гардан аваад байна.
Мөн, ТУЗ-ийн гишүүн анх томилогдмогц түүнд (а) ХасБанкны онцлогийг таньж мэдэхэд зориулсан багц материал, үүнд өмнөх оны үйл ажиллагааны тайлан, санхүүгийн тайлан, өмнөх хурлын тэмдэглэл зэрэг бичиг баримтууд, (б) өөрийн үйл ажиллагааг зохистой удирдан явахад зориулж ТУЗ-ийн гишүүд болон ажилтнуудын ёс зүйн кодекс ба сонирхлын зөрчлийн ерөнхий журам, ХасБанкны Засаглалын кодекс, ХасБанк ХК-ийн дүрэм, ТУЗ-ийн үйл ажиллагааны журам, Дотоод мэдээлэл эзэмшигчийн арилжааны ерөнхий журам, Монголбанкнаас баталсан компанийн засаглалын баримт бичгүүд зэрэг ТУЗ-ийн үйл ажиллагаанд хамаарах бусад бичиг баримтуудыг хүргүүлдэг. ТУЗ-ийн гишүүд нь Гүйцэтгэх захиралтай тохиролцон, Банкны өдөр тутмын үйл ажиллагаанд саад болохгүй байдлаар Банкны удирдлагуудтай уулзалт зохион байгуулж асууж тодруулах, мэдээлэл авах нөхцөл боломжоор хангагддаг. |
2 |
100 |
| 6 |
1.6. ТУЗ-ийн нарийн бичгийн дарга нь ТУЗ-ийн
үйл ажиллагааг зохистой явуулах асуудлаар ТУЗ-ийн даргаар дамжуулан
хариуцлага хүлээнэ. |
Бүрэн хэрэгжүүлсэн
|
ХасБанк ХК-ийн Дүрмийн 8.44.5 дахь заалт болон ТУЗ-ийн үйл ажиллагааны журмын 13.1 дэх хэсэгт тус тус заасны дагуу ТУЗ-ийн нарийн бичгийн дарга нь банкны эрх бүхий албан тушаалтан болохын хувьд ТУЗ-ийн үйл ажиллагааг зохистой явуулах асуудлаар хариуцлага хүлээх бөгөөд тэрээр ТУЗ-ийн үйл ажиллагааны журмын 13 дугаар зүйлд заасан чиг үүргийг хэрэгжүүлдэг. ТУЗ-ийн нарийн бичгийн даргын 2024 онд хийж гүйцэтгэсэн ажлыг ТУЗ-ийн үйл ажиллагааны тайлангийн хүрээнд ХасБанкны 2024 оны Жилийн тайланд тусган, 2025 оны 04 дүгээр сарын 30-ны өдөр буюу тайлант хугацаанд багтаан олон нийтэд нээлттэйгээр байршуулсан болно. (xacbank.mn-ийн Хөрөнгө оруулагчид -> Тайлан цэст хандана уу). ТУЗ-ийн нарийн бичгийн даргын 2025 оны ажлын тайланг мөн ТУЗ-ийн үйл ажиллагааны тайлангийн хүрээнд ХасБанкны 2025 оны Жилийн тайланд тусган, тайлант хугацаанд багтаан олон нийтэд нээлттэйгээр байршуулах болно. |
2 |
100 |
|
ХОЁР. ТУЗ-ИЙН ДЭРГЭДЭХ
ХОРООД, ТЭДГЭЭРИЙН ЧИГ ҮҮРЭГ НИЙТ ОНОО |
|
|
10 |
25 |
| 1 |
ТУЗ нь өөрийн үйл ажиллагааг тодорхой чиг үүрэг хариуцсан өөрийн
дэргэдэх хороодоор дамжуулан хэрэгжүүлж, эцсийн хариуцлагыг хүлээнэ.
|
2.1. ТУЗ-ийн дарга болоод ТУЗ-ийн гишүүдийн
олонх нь хараат бус гишүүн байхыг зорино. |
Бүрэн хэрэгжүүлсэн
|
ХасБанкны Дүрмийн 8 дугаар зүйлийн 8.13 дахь хэсэгт “ТУЗ нь Компанийн тухай хууль, Банкны тухай хууль болон бусад Холбогдох хууль тогтоомжид заасан шаардлагыг хангасан 12 гишүүнтэй байна” гэж, 8.14 дэх хэсэгт “ТУЗ-ийн гишүүний 1/3 (гуравны нэг)-ээс доошгүй нь НДХ-ноос тус бүрийг сонгон нэр дэвшүүлсэн, Компанийн тухай хууль, Банкны тухай хууль болон Монголбанк, Санхүүгийн Зохицуулах Хорооноос заасан шаардлагыг хангасан хараат бус гишүүн байна” гэж ТУЗ-ийн бүрэлдэхүүнд тавигдах шаардлагыг Компанийн тухай хуулийн 75 дугаар зүйлийн 75.4 дэх хэсэгт нийцүүлэн тус тус тодорхойлсон. Үүний дагуу, 2024 оны 04 дүгээр сарын 29-ний өдрийн хувьцаа эзэмшигчдийн ээлжит хурлын SR-2024-10 тоот тогтоолоор 4 хараат бус гишүүнийг оролцуулан нийт 12 гишүүний бүрэлдэхүүнтэй ТУЗ-ийг кумулятив аргаар сонгосон билээ.
ХасБанкны Засаглалын төлөвлөгөөний 3 болон 4 дүгээр зүйлүүдэд 2026 оны IV дүгээр улирал гэхэд ТУЗ-ийн даргаар хараат бус гишүүнийг томилох болон ТУЗ-ийн гишүүдийн олонхыг хараат бус гишүүдээр бүрдүүлэх зорилтыг тусгасан. |
2 |
100 |
| 2 |
2.2. ТУЗ-ийн дэргэдэх аудитын хороо нь үйл
ажиллагааны журам аудитын бодлогын баримт бичигтэй байна. Аудитын
хорооны дарга нь ТУЗ-ийн дарга бус байна. Аудитын хорооны хуралд
компанийн гүйцэтгэх удирдлага болон ажилтнууд гагцхүү тус хорооны
хүсэлтээр оролцоно. |
Бүрэн хэрэгжүүлсэн
|
ТУЗ-ийн дэргэдэх АХ-ны үйл ажиллагаандаа мөрдөх үндсэн баримт бичиг болох “ТУЗ-ийн дэргэдэх Аудитын хорооны дүрэм”-ийг 2015 оны 03 дугаар сарын 15-ны өдөр анх удаа баталж, улмаар хэд хэдэн удаа нэмэлт өөрчлөлт оруулах болон шинэчлэн найруулах зэргээр сайжруулан мөрдөж ирсэн. Улмаар ХасБанк нийтэд нээлттэй хувьцаат компани болсонтой холбоотойгоор АХ-ны дүрэм, Дотоод аудитын дүрмийг 2023 оны 07 дугаар сарын 07-ны өдөр шинэчлэн баталсан хэдий ч, Дотоод аудиторуудын институтээс баталсан 2025 оны 01 сараас хүчин төгөлдөр мөрдөгдөж эхэлсэн Дэлхийн дотоод аудитын стандартуудад нийцүүлэх зорилгоор 2024 оны 11 дүгээр сарын 07-ны өдөр тус журмыг дахин шинэчлэн баталж нийтэд мэдээлсэн (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу).
Хувьцаа эзэмшигчдийн 2024 оны ээлжит хурлаар ТУЗ-ийг бүрэн бүрэлдэхүүнээр нь сонгосны дараагаар, ТУЗ өөрийн дэргэдэх байнгын хороодын бүрэлдэхүүнийг 2024 оны 04 дүгээр сарын 29-ний өдрийн R-2024-23 тоот тогтоолоор томилсон. АХ-ны дүрмийн 2.4 дэх хэсэгт “Хараат бус гишүүн АХ-г даргалах бөгөөд ТУЗ-ийн даргын албан тушаалыг хавсран гүйцэтгэхийг хориглоно” гэж заасны дагуу, АХ-ны даргаар ТУЗ-ийн дарга бус, хараат бус гишүүн Б.Уламбаяр томилогдон ажиллаж байна. АХ-ны хуралд компанийн гүйцэтгэх удирдлага болон ажилтнууд гагцхүү тус хорооны хүсэлтээр оролцдог. Энэ талаар АХ-ны дүрмийн 2.5 дахь хэсэгт “Банкны гүйцэтгэх удирдлага, ажилтнуудыг зөвхөн тус Хорооны хүсэлтээр хуралдаанд оролцуулна” гэж тусгасан. |
2 |
100 |
| 3 |
2.3. ТУЗ-ийн дэргэдэх цалин урамшууллын хороо
нь цалин, урамшууллын үйл ажиллагааны журам, цалин урамшууллын
бодлогын баримт бичигтэй байна. Цалин урамшууллын хорооны дарга нь
ТУЗ-ийн дарга бус, мөн хараат бус гишүүн байна. Цалин урамшууллын
хорооны хуралд гүйцэтгэх удирдлага гагцхүү хорооны хүсэлтээр
оролцоно. |
Бүрэн хэрэгжүүлсэн
|
Хувьцаа эзэмшигчдийн хурлын 2025 оны 04 дүгээр сарын 29-ний өдрийн SR-2025-04 тоот тогтоолоор Банкны дэргэдэх Засаглал, нэр дэвшүүлэх болон цалин урамшууллын хороог а. Нэр дэвшүүлэх хороо болон б. Засаглал, цалин урамшууллын хороо болгон бие даасан хоёр хороонд хувааж өөрчлөн байгуулж Банкны Дүрэмд нэмэлт, өөрчлөлт оруулсан.
Улмаар ТУЗ-ийн 2025 оны 04 дүгээр сарын 30-ны өдрийн R-2025-21 тоот тогтоолоор Нэр дэвшүүлэх болон Засаглал, цалин урамшууллын хороодын дүрмүүдийг баталж, холбогдох дотоод журмуудад нэмэлт, өөрчлөлтүүдийг оруулсан. (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Улмаар, ТУЗ-ийн 2025 оны 04 дүгээр сарын 30-ны өдрийн R-2025-25 тоот тогтоолоор Нэр дэвшүүлэх хороо болон Засаглал, цалин урамшууллын хорооны бүрэлдэхүүнийг тус тус баталсан.
Мөн, цалин урамшууллын бодлогын баримт бичгүүд болох “ТУЗ-ийн цалин хөлс болон нөхөн төлбөрийн ерөнхий журам”-ыг R-2023-33 тоот тогтоол, “Урт хугацаат урамшууллын хөтөлбөрийн бодлого”-ыг R-2024-08 тоот тогтоол, “Ажилтны урт хугацаат хуримтлалын хөтөлбөрийн ерөнхий журам”-ыг R-2024-35 тоот тогтоолоор тус тус батлан мөрдүүлж байна.
ЗЦУХ-ны дарга Майкл Мадден нь ТУЗ-ийн дарга бус, ердийн гишүүн болно. Тэрээр ЗНДЦУХ-ны даргаар 2019 оноос хойш ажилласан бөгөөд хариуцсан асуудлаар хамгийн туршлагатай, манлайлагчийн түвшинд ажиллаж байсан болно. Иймд тэрээр шинээр өөрчлөн байгуулагдсан ЗЦУХ-ны даргаар бүх гишүүдийн саналаар томилогдсон. ТУЗ хуралдаад хараат бус гишүүдэд уг ажлыг шилжүүлэхэд тодорхой бэлтгэл шаардлагатай гэж үзсэн тул ХасБанкны Засаглалын төлөвлөгөөний хараат бус гишүүдийг бэлтгэж, бэлтгэл хангагдсаны дараа уг шилжилтийг хийхээр тусгасан. ЗЦУХ-ны нарийн бичгийн даргын үүргийг Хууль хариуцсан захирал бөгөөд ТУЗ-ийн нарийн бичгийн дарга гүйцэтгэдэг. Тэрээр албан тушаалын хувьд гүйцэтгэх удирдлагад хамаардаг хэдий ч ЗЦУХ-ны нарийн бичгийн даргын хувиар ЗЦУХ-ны хурлуудад оролцох шаардлагатай болдог. Гэхдээ гүйцэтгэх удирдлагын цалин урамшуулал, залгамж халаа зэрэг асуудлын үеэр гүйцэтгэх удирдлагын ямар ч албан тушаалтан оролцдоггүй ба гишүүд хаалттай хуралддаг. |
2 |
100 |
| 4 |
2.4. ТУЗ-ийн дэргэдэх нэр дэвшүүлэх хороо нь
үйл ажиллагааны журам, залгамж халааны бодлогын баримт бичигтэй
байна. Нэр дэвшүүлэх хорооны дарга нь ТУЗ-ийн дарга бус, мөн хараат
бус гишүүн байна. |
Бүрэн хэрэгжүүлсэн
|
Хувьцаа эзэмшигчдийн хурлын 2025 оны 04 дүгээр сарын 29-ний өдрийн SR-2025-04 тоот тогтоолоор Банкны ТУЗ-ийн дэргэдэх Засаглал, нэр дэвшүүлэх болон цалин урамшууллын хороог Санхүүгийн Зохицуулах Хорооны зөвлөмжийн дагуу: а. Нэр дэвшүүлэх хороо болон б. Засаглал, цалин урамшууллын хороо болгон бие даасан хоёр хороонд хуваан өөрчлөн байгуулж, Банкны Дүрэмд нэмэлт, өөрчлөлт оруулсан.
Улмаар ТУЗ-ийн 2025 оны 04 дүгээр сарын 30-ны өдрийн R-2025-21 тоот тогтоолоор Нэр дэвшүүлэх болон Засаглал, цалин урамшууллын хороодын дүрмүүдийг баталж, холбогдох дотоод журмуудад нэмэлт, өөрчлөлтүүдийг оруулсан. (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу).
Мөн ТУЗ-ийн 2025 оны 04 дүгээр сарын 30-ны өдрийн R-2025-25 тоот тогтоолоор Нэр дэвшүүлэх хороо болон Засаглал, цалин урамшууллын хорооны бүрэлдэхүүнийг тус тус баталсан.
НДХ-ны даргаар ТУЗ-ийн дарга бус, хараат бус гишүүн Стюарт Холл сонгогдсон болно.
ТУЗ нь “Гүйцэтгэх удирдлагын залгамж халааг бэлдэх бодлого”-ыг 2024 оны 08 дугаар сарын 21-ний өдрийн R-2024-36 тоот тогтоолоор батлан, хүчин төгөлдөр мөрдөн ажиллаж байна. Түүнчлэн ТУЗ-ийн 2025 оны 04 дүгээр сарын 30-ны өдрийн R-2025-22 тоот тогтоолоор “ТУЗ-ийн гишүүнийг сонгон шалгаруулах, нэр дэвшүүлэх, түүний залгамж халааг бэлдэх ерөнхий журам”-ыг шинэчлэн баталсан. Тус журамд ТУЗ-ийн гишүүний залгамж халааг бэлдэх зохицуулалтыг тусгасан. (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). |
2 |
100 |
| 5 |
2.5. ТУЗ нь өөрийн дэргэд бусад чиг үүрэг
бүхий байнгын болон түр хороог байгуулж болно. ТУЗ-ийн дэргэдэх
хороод бүгд үйл ажиллагааны журам, заавартай, чиг үүргээ
хэрэгжүүлэхэд шаардлагатай мэдлэг, ур чадвар, ажлын туршлага бүхий
бүрэлдэхүүнтэй байна. |
Бүрэн хэрэгжүүлсэн
|
ХасБанкны ТУЗ нь өөрийн дэргэд ЗЦУХ, НДХ, АХ болон ЭУХ гэсэн 4 байнгын хороодтойгоор үйл ажиллагаа явуулж буй бөгөөд хороо тус бүр өөрийн дүрмийн дагуу үйл ажиллагаагаа явуулдаг. Хороодын дүрмийг өөрийн цахим хуудастаа байршуулсан (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Хороодын бүрэлдэхүүнд тавигдах шаардлагыг НДХ-ны дүрмийн 2.1 дэх хэсэг АХ-ны дүрмийн 2 дугаар зүйл, ЗЦУХ-ны дүрмийн 2.1 дэх хэсэгт тус тус тусгасан. |
2 |
100 |
|
ГУРАВ. ТАЙЛАГНАЛ,
МЭДЭЭЛЛИЙН ИЛ ТОД БАЙДАЛ |
|
|
6 |
25 |
| 1 |
ТУЗ нь өөрийн үйл ажиллагааг тодорхой чиг үүрэг хариуцсан өөрийн
дэргэдэх хороодоор дамжуулан хэрэгжүүлж, эцсийн хариуцлагыг хүлээнэ.
|
3.1. ТУЗ нь компанийн мэдээллийн ил тод
байдал, тайлагналын журмыг баталж, хэрэгжилтэд нь хяналт тавина.
|
Бүрэн хэрэгжүүлсэн
|
ХасБанк нь өөрийн хувьцаа эзэмшигчид болон эрх бүхий байгууллагуудад банкны талаарх мэдээллийг холбогдох хууль тогтоомжид заасан шаардлагын дагуу ил тод тайлагнан, мэдээлэх зорилгоор “Мэдээллийг ил тод болгох ерөнхий журам”-ыг 2023 оны 07 дугаар сарын 07-ны өдөр шинээр баталсан бөгөөд түүнийг цахим хуудастаа байршуулсан (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Тус журмын 1.4 дэх хэсэгт ТУЗ нь түүний хэрэгжилтэд хяналт тавихаар зохицуулсан. |
2 |
100 |
| 2 |
3.2. ТУЗ нь энэхүү кодекст заасан засаглалын
баримт бичиг, дүрэм, журам, зааврыг цахим хуудсаараа дамжуулан олон
нийтэд хүргэнэ. |
Бүрэн хэрэгжүүлсэн
|
ХасБанк нь үйл ажиллагаагаа хувьцаа эзэмшигчдэд ил тодоор явуулах үүднээс дараах дотоод дүрэм, журам, төлөвлөгөөг шинэчилсэн тухай бүр өөрийн цахим хуудсын ‘Хөрөнгө оруулагчид’ цэст байршуулан ажиллаж байна. Үүнд:
- ХасБанк ХК-ийн дүрэм (2025.04.29, 2025.08.26-ны өдөр тус тус нэмэлт өөрчлөлт оруулсан);
- ТУЗ-ийн үйл ажиллагааны журам (2025.04.30, 2025.08.21-ний өдөр тус тус нэмэлт өөрчлөлт оруулсан);
- ТУЗ-ийн дэргэдэх ЗЦУХ-ны дүрэм (2025.04.30-ны өдөр баталсан);
- ТУЗ-ийн дэргэдэх НДХ-ны дүрэм (2025.04.30-ны өдөр баталсан);
- ТУЗ-ийн дэргэдэх АХ-ны дүрэм (2025.08.21-ний өдөр нэмэлт өөрчлөлт оруулсан);
- ТУЗ-ийн дэргэдэх ЭУХ-ны дүрэм;
- ХасБанкны Засаглалын төлөвлөгөө 2023-2026;
- ХасБанкны Засаглалын кодекс (2025.04.30-ны өдөр нэмэлт өөрчлөлт оруулсан);
- ТУЗ-ийн гишүүнийг сонгон шалгаруулах, нэр дэвшүүлэх, түүний залгамж халааг бэлдэх ерөнхий журам (2025.04.30-ны өдөр шинэчлэн баталсан);
- Хувьцаа эзэмшигчдийн хурлыг зарлан хуралдуулах үйл ажиллагааны журам;
- Мэдээллийг ил тод болгох ерөнхий журам;
- Дотоод аудитын дүрэм (2025.08.21-ний өдөр нэмэлт өөрчлөлт оруулсан); - Сонирхлын зөрчилтэй этгээд болон холбогдох этгээдтэй хэлцэл хийх журам;
- ТУЗ-ийн гишүүд болон ажилтнуудын ёс зүйн кодекс ба сонирхлын зөрчлийн ерөнхий журам;
- Шүгэл үлээх бодлого;
- Мөнгө угаах болон терроризмыг санхүүжүүлэхтэй тэмцэх дотоод хяналтын хөтөлбөр (2025.11.05-ны өдөр шинэчлэн баталсан);
- ХасБанкны Ногдол ашгийн бодлого (2025.10.10-ны өдөр нэмэлт өөрчлөлт оруулсан);
- Оролцогч талуудтай харилцах, хамтран ажиллах журам (2025.04.30-ны өдөр нэмэлт өөрчлөлт оруулсан);
- Гүйцэтгэх удирдлагын залгамж халааг бэлдэх бодлого (2025.04.30-ны өдөр нэмэлт өөрчлөлт оруулсан) зэрэг хамаарна. |
2 |
100 |
| 3 |
3.3. Санхүүгийн болон санхүүгийн бус
тайлагнал нь тэнцвэртэй, тодорхой, бодит байна. Санхүүгийн бус
тайлан нь хүрээлэн буй орчин, нийгэм, эдийн засгийн хүрээнд
компанийн тогтвортой үйл ажиллагаанд нөлөөлж болзошгүй хүчин зүйлс,
эрсдэл, компанийн үйл ажиллагааны зорилго, зорилтууддаа хүрсэн
эсэхийг үнэлсэн мэдээлэл байна. |
Бүрэн хэрэгжүүлсэн
|
ХасБанк нь caнxүү, татварын тайлан, тодруулгуудыг холбогдох хууль, тогтоомж, Санхүүгийн Тайлагналын Олон Улсын Стандарт (CTOУC), зохицуулагч байгууллагын журам, зааварт нийцүүлэн үнэн зөв, материаллаг алдаагүй бэлтгэн, санхүүгийн тайланг олон улсын нэр хүнд бүхий Deloitte, KPMG, EY, PWC зэрэг аудитын байгууллагаар баталгаажуулан тогтоосон цаг хугацаанд багтаан олон нийтэд ил тод тайлагнан ажилладаг. Мөн Санхүүгийн бус тайлан буюу өөрийн үйл ажиллагааны тайлан, Компанийн засаглалын кодексын хэрэгжилтийн тайланг тогтмол бэлтгэн олон нийтэд ил тод өөрийн цахим хуудаст байршуулдаг. Энэхүү тайлангуудаар банк нь тухайн жилийн үйл ажиллагаагаа тайлагнадаг бөгөөд үүнд үйл ажиллагааны үр дүн, компанийн засаглал, нийгэм байгаль орчинд үзүүлэх нөлөө болон нийгмийн хариуцлага зэрэг зүйлс мөн багтсан байдаг. Түүнчлэн, 2023 оноос эхлэн банкны хэрэгжүүлсэн санхүүгийн бус олон талт үйл ажиллагааны стратеги, тогтвортой хөгжлийн санаачилга, үр дүн, ололт амжилтыг багтаасан бие даасан Тогтвортой хөгжлийн тайланг жил тутам бэлтгэн нийтэд тайлагнаж байна (xacbank.mn-ийн Хөрөнгө оруулагчид -> Тайлан цэст хандана уу). |
2 |
100 |
|
ДӨРӨВ. АУДИТ, ХЯНАЛТЫН
ТОГТОЛЦОО |
|
|
6 |
25 |
| 1 |
ТУЗ нь аудит, хяналтын тогтолцооны хараат бус, үр дүнтэй байдлыг
хангана.
|
4.1. ТУЗ нь аудитын хорооны үйл ажиллагааны
журамд хөндлөнгийн аудитортой харьцах, түүнийг хуульд заасан чиг
үүргээ саадгүй гүйцэтгэх нөхцөл боломжоор хангах талаар тусгаж,
хэрэгжилтэд нь хяналт тавина. |
Бүрэн хэрэгжүүлсэн
|
АХ-ны дүрмийн 3.1.2 дахь заалтад хөндлөнгийн аудитортой харьцах, чиг үүргээ саадгүй гүйцэтгэх нөхцөл боломжоор хангах талаар заасан. Үүнд, АХ нь i) хатуу шалгуурыг баримтлан хөндлөнгийн аудиторыг сонгон шалгаруулах, түүнтэй байгуулсан гэрээг үргэлжлүүлэн сунгах, дуусгавар болгох зэрэг асуудлыг ТУЗ-д зөвлөмж болгон батлуулах, ii) аудитын үйл ажиллагааны нэгдмэл байдлыг хангахын тулд хөндлөнгийн аудиторын хараат бус байдлыг хангах, iii) дотоод аудитын ажлын уялдааг харгалзан хөндлөнгийн аудитын санал болгох бүх төрлийн аудитын үйлчилгээ буюу аудитын хамрах хүрээ, арга аргачлал зэргийг хянан батлах, iv) хөндлөнгийн аудиторуудын мэргэшил, гүйцэтгэл, хараат бус байдлыг жилд нэгээс доошгүй удаа үнэлэх, v) шаардлагатай гэж үзсэн асуудлаар хөндлөнгийн аудитортой тогтмол уулзалт тусгайлан хийх, vi) тусгайлан заасан асуудлаар хөндлөнгийн аудиторын хамт хяналтыг хэрэгжүүлэх, мөн vii) хөндлөнгийн аудитор нь хувьцаа эзэмшигчдийн ээлжит хуралд оролцон мэдээлэл өгөх зэргийг тусгасан (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). |
2 |
100 |
| 2 |
4.2. Хөндлөнгийн аудитор нь хувьцаа
эзэмшигчдийн ээлжит хуралд оролцож, аудиттай холбоотой асуудлаар
хувьцаа эзэмшигчдэд мэдээлэл өгдөг байна. |
Бүрэн хэрэгжүүлсэн
|
АХ-ны дүрмийн 3.1.2.7 дахь заалтад “Хөндлөнгийн аудитор нь хувьцаа эзэмшигчдийн ээлжит хуралд оролцож, аудиттай холбоотой асуудлаар хувьцаа эзэмшигчдэд мэдээлэл өгнө” гэж заасан. Үүний дагуу 2025 оны 04 дүгээр сарын 29-ний өдрийн хувьцаа эзэмшигчдийн ээлжит хуралд хөндлөнгийн аудиторыг оролцуулж, хувьцаа эзэмшигчдийн мэдээлэл авах эрхийг ханган ажилласан.
Хувьцаа эзэмшигчдийн 2026 оны ээлжит хуралд мөн хөндлөнгийн аудиторыг оролцуулах болно. |
2 |
100 |
| 3 |
4.3. Дотоод аудитын тогтолцоо, түүний бүтэц,
зохион байгуулалт, чиг үүрэг, тэдгээрт орсон өөрчлөлтийн талаарх
мэдээллийг компанийн үйл ажиллагааны тайлан болон цахим хуудсаар
дамжуулан нийтэд мэдээлж, тус хорооны хурлын ирц, хуралдсан асуудал,
давтамжийн талаар тогтмол тайлагнана. |
Бүрэн хэрэгжүүлсэн
|
ХасБанкны дотоод аудитын тогтолцоо, түүний бүтцийн талаарх мэдээллийг ХасБанкны 2024 оны Жилийн тайланд тусгаж, түүнийг Санхүүгийн Зохицуулах Хорооны Үнэт цаасны бүртгэлийн журмын дагуу 2025 оны 04 дүгээр сарын 30-ны өдөр буюу тайлант хугацаанд багтаан цахим хуудастаа байршуулсан. (xacbank.mn-ийн Хөрөнгө оруулагчид -> Тайлан цэст хандана уу). Түүнчлэн, дотоод аудитын чиг үүргийн талаарх мэдээлэл нь “Хөрөнгө оруулагчид” цэст байршуулсан “Дотоод аудитын дүрэм”-д дэлгэрэнгүй тусгагдсан болно (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу).
2025 оны тайланг зохих хугацаанд олон нийтэд мэдээлэх болно. |
2 |
100 |
|
ТАВ. ЭРСДЭЛИЙН
УДИРДЛАГА |
|
|
8 |
25 |
| 1 |
ТУЗ нь эрсдэлийн удирдлага болон комплайнсын хяналтыг зохистой
байдлаар, хараат бусаар зохион байгуулж, тэдгээрийн үр дүнтэй
байдалд тогтмол хяналт тавина.
|
5.1. Компани нь эрсдэлийн удирдлагын заавар
болон бүтэцтэй байх ба эрсдэлийн удирдлагын үйл ажиллагааны үр дүн,
хараат бус байдалд ТУЗ хяналт тавина. |
Бүрэн хэрэгжүүлсэн
|
ХасБанкны ТУЗ нь өөрийн дэргэдэх ЭУХ-гоор дамжуулан банкны эрсдэлийн удирдлагын тогтолцоо, хүлээн зөвшөөрөх эрсдэлийн хэм хэмжээг тогтоох, эрсдэлийг үр дүнтэй удирдах бусад бодлого, баримт бичгийг баталдаг. ТУЗ-ийн дэргэдэх ЭУХ нь улирал тутамд хуралдаж ТУЗ-өөс өгсөн эрх хэмжээний хүрээнд эрсдэлийн удирдлага болон хүлээн зөвшөөрөх эрсдэлийн хэмжээний хэрэгжилтэд хяналт тавьж, ТУЗ-д тайлагнадаг. Гүйцэтгэх удирдлагын дэргэдэх ЭУХ нь сар бүр хуралдаж банкны эрсдэлийн удирдлагыг хэрэгжүүлдэг бол Эрсдэл хариуцсан захирал нь эрсдэлийн удирдлагын өдөр тутмын үйл ажиллагааг хэрэгжүүлж ажиллах чиг үүрэгтэй.
ХасБанк нь эрсдэлийн удирдлагыг хамгаалалтын гурван бүсийн зарчимд тулгуурлан хэрэгжүүлдэг бөгөөд нэгдүгээр бүс нь эрсдэлийн удирдлагыг хэрэгжүүлэх, хоёрдугаар бүс нь эрсдэлийн удирдлагын хяналтын, гуравдугаар бүс нь эрсдэлийн удирдлага, эрсдэлийн удирдлагын хяналтад хараат бус дүгнэлт өгч ажилладаг. Энэ үйл ажиллагаанд ТУЗ-өөс 2025 оны 11 сард шинэчлэн баталсан “Эрсдэлийн удирдлагын нэгдсэн бодлого”-ыг баримталдаг (xacbank.mn-ийн Хөрөнгө оруулагчид -> Засаглал -> Эрсдэлийн засаглал цэст хандана уу). |
2 |
100 |
| 2 |
5.2. ТУЗ нь дэргэдээ эрсдэлийн удирдлага
хариуцсан хороотой байхыг зорих ба уг хороо нь гурваас доошгүй тооны
гишүүнтэй, дарга болон гишүүдийн олонх нь хараат бус гишүүн байна.
Эрсдэлийн хорооны үйл ажиллагааны журам, бүтэц, бүрэлдэхүүнийг
компанийн жилийн үйл ажиллагааны тайлан болон цахим хуудсаар
дамжуулан нийтэд мэдээлж, тус хорооны хурлын ирц, хуралдсан асуудал,
давтамжийн талаар тогтмол тайлагнана. |
Бүрэн хэрэгжүүлсэн
|
ТУЗ-ийн дэргэдэх ЭУХ нь нийт 6 гишүүнээс бүрдэнэ. ЭУХ-ны гишүүдийн дийлэнх олонх буюу 4 гишүүн нь хараат бус гишүүн бөгөөд ЭУХ-ны дарга Доминик Жак нь ТУЗ-ийн дарга бус, ердийн гишүүн болно. Тэрээр тус Хорооны гишүүнээр 2024 оноос хойш ажилласан бөгөөд өмнөх дарга Албертус Браггинк өөрийн хүсэлтээр 2025 оны 09 дүгээр сарын 30-ны өдрөөр тасалбар болгон албан тушаалаас чөлөөлөгдсөнтэй холбогдуулан, 2025 оны 10 дугаар сарын 01-ний өдрөөс эхлэн Хорооны даргаар томилогдон ажиллаж буй болно.
ЭУХ-ны дүрэм, бүтэц, бүрэлдэхүүнийг өөрийн цахим хуудасны “Хөрөнгө оруулагчид -> Засаглал -> ТУЗ-ийн хороод” цэст нийтэлсэн бөгөөд жилийн үйл ажиллагааны тайланд мөн энэ мэдээллийг тусгасан. ЭУХ-ны хурлын ирц, хуралдсан асуудал, давтамжийн талаар ТУЗ-ийн хараат бус гишүүдийн тайланд тусгасан байдлаар улирал тутам Монголбанкинд хүргүүлж, хагас жил тутам өөрийн цахим хуудсаараа дамжуулан нийтэд тогтмол тайлагнаж байна (xacbank.mn-ийн Хөрөнгө оруулагчид -> ТУЗ цэст хандана уу). |
2 |
100 |
| 3 |
5.3. Компанийн үйл ажиллагаанд байгаль орчин,
нийгмийн хариуцлага, эрүүл мэнд, аюулгүй байдлын эрсдэл байгаа
эсэхийг үнэлэн нийтэд мэдээлж, тэдгээр эрсдэлийг хэрхэн удирдаж
буйгаа тайлбарлана. |
Бүрэн хэрэгжүүлсэн
|
ХасБанк нь өөрийн үйл ажиллагаандаа “Нийгэм болон байгаль орчны бодлого”-ыг мөрдөн ажилладаг бөгөөд тогтвортой хөгжлийн бодлогыг хэрэгжүүлэгч байгууллагын хувьд банкны үйл ажиллагааны экологи болон нийгэмд үзүүлэх нөлөөг хянах зорилгоор 2002 оноос эхлэн ISO 14001 стандартын дагуу Байгаль Орчин Нийгмийн Хариуцлагын Удирдлагын Тогтолцоог (БОНХУТ) нэвтрүүлэн, тогтмол шинэчлэн ажиллаж байна. Улс орон даяар хэрэгжүүлж буй өөрсдийн үйл ажиллагаанаас нийгэм, байгаль орчинд үзүүлэх нөлөөллийн талаар мэдээллийг системтэйгээр цуглуулж, байгаль орчин, нийгмийн тайланг жилийн эцсийн байдлаар тогтмол бэлтгэж хөрөнгө оруулагчид, зээлдүүлэгчдэд дараа жилийн эхний улиралд багтаан тайлагнадаг. Цаашлаад, Парисын хэлэлцээрт тусгасан зорилтуудад үйл ажиллагаагаа уялдуулах шилжилтийг дэмжих, дотоод засаглалын үйл ажиллагаагаа олон улсын сайн жишигт нийцүүлэх зорилгоор “Уур амьсгалын эрсдэлийн удирдлагын 2023-2025 оны шилжилтийн төлөвлөгөө”-г ТУЗ нь 2024 оны 03 дугаар сарын 07-ны өдөр R-2024-04 тоот тогтоолоор баталсан. Түүнчлэн Тогтвортой хөгжил, Тогтвортой санхүүжилт, Ногоон санхүүжилтийн талаарх мэдээллийг банкны үйл ажиллагааны жилийн тайлангаар тайлагнаж ирсэн. 2023 оноос эхлэн бие даасан Тогтвортой хөгжлийн тайланг бэлтгэн, нийтэд тайлагнаж эхэлсэн. Тогтвортой хөгжлийн 2024 оны тайланг 2025 оны 04 дүгээр сарын 30-ны өдөр Монголын Хөрөнгийн Бирж болон өөрийн цахим хуудсаар дамжуулан (xacbank.mn-ийн Хөрөнгө оруулагчид -> Тайлан цэст хандана уу) нийтэд тайлагнасан бөгөөд мөн жишгээр 2025 оны тайланг зохих хугацаанд олон нийтэд мэдээлэх болно. |
2 |
100 |
| 4 |
5.4. Компани нь комплайнсын хяналтын заавар
болон бүтэцтэй байх ба комплайнсын хяналтын хэрэгжилтийн үр дүн,
хараат бус байдалд ТУЗ хяналт тавина. |
Бүрэн хэрэгжүүлсэн
|
ХасБанкны комплаенсийн хяналтыг Комплаенсийн хэлтэс нь Эрсдэл хариуцсан захирлын удирдлагын дор хариуцан хэрэгжүүлдэг. Тус хэлтэс нь үйл ажиллагаандаа бодлого журам болон автоматжуулсан систем, хяналтыг хослуулан холбогдох эрсдэлийг тодорхойлох, үнэлэх, хэмжих, бууруулах, тайлагнах арга хэмжээ бүхий “Комплаенсийн хөтөлбөр”-ийг баримталж ирсэн бөгөөд уг хөтөлбөрийг 2025 оны 11 дүгээр сарын 05-ны өдрийн R-2025-54 тоот тогтоолоор “Мөнгө угаах болон терроризмыг санхүүжүүлэхтэй тэмцэх дотоод хяналтын хөтөлбөр” нэртэйгээр шинэчлэн баталсан. (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Хөтөлбөрийн хэрэгжилтийг ТУЗ нь жил тутам хянаж, түүнд өөрчлөлт оруулах эсэхийг шийдвэрлэн ажилладаг. 2025 онд ТУЗ-ийн зүгээс Комплаенсын засаглалын хүрээнд дараах бодлого, журмыг шинээр болон шинэчлэн найруулсан байдлаар баталсан байна:
1. Эрсдэлийн удирдлагын нэгдсэн бодлого;
2. Залилангийн эсрэг ерөнхий журам;
3. Мөнгө угаах болон терроризмыг санхүүжүүлэхээс урьдчилан сэргийлэх үйл ажиллагааны журам;
4. Харилцагчийг таньж мэдэх ерөнхий журам;
5. Мөнгө угаах, терроризмыг санхүүжүүлэх, үй олноор хөнөөх зэвсэг дэлгэрэхээс сэргийлэх эрсдэлийн үнэлгээний аргачлал. |
2 |
100 |
|
ЗУРГАА. ЭРХ БҮХИЙ АЛБАН
ТУШААЛТНЫ ЦАЛИН УРАМШУУЛАЛ |
|
|
6 |
25 |
| 1 |
Эрх бүхий албан тушаалтны цалин, урамшууллын хэмжээ нь компанийн
алсын хараа, онцлогт тохирсон, шударга, ил тод байна.
|
6.1. ТУЗ-ийн гишүүний цалин, урамшууллын
хэмжээ, олгох хэлбэр, давтамжийг хувьцаа эзэмшигчдийн хурлаар ил тод
хэлэлцэж батална. |
Бүрэн хэрэгжүүлсэн
|
ХасБанкны хувьцаа эзэмшигчид нь 2024 оны 04 дүгээр сарын 29-ний өдөр болсон ээлжит хурлаараа ТУЗ-ийн гишүүдийг бүрэн бүрэлдэхүүнээр нь томилохдоо ТУЗ-ийн гишүүдийн цалин, урамшууллын хэмжээ, олгох давтамжийг ил тод хэлэлцэн баталсан бөгөөд холбогдох шийдвэрийг өөрийн болон Монголын Хөрөнгийн Биржийн цахим хуудсаар дамжуулан нийтэд даруй мэдээлсэн. Түүнчлэн Хувьцаа эзэмшигчдийн хурлын 2025 оны 04 дүгээр сарын 29-ний өдрийн SR-2025-07 тоот тогтоолоор ХасБанкны ТУЗ-ийн 2025 оны Төсвийг баталсан. Хувьцаа эзэмшигчдийн хурлын шийдвэрийг тухай бүр өөрийн цахим хуудаст байршуулсан болно. (xacbank.mn-ийн Хөрөнгө оруулагчид-> Хувьцаа эзэмшигчдийн хурал цэст хандана уу). |
2 |
100 |
| 2 |
6.2. Компани цалин, урамшууллын хэмжээг
тогтоох үндэслэл болсон ажил үүргийн бүрдэл хэсгүүд, ажлын
гүйцэтгэлийг үнэлэх шалгуурыг цалин, урамшууллын бодлогын баримтад
тусгана. |
Бүрэн хэрэгжүүлсэн
|
ХасБанкны 2023 оны 07 дугаар сарын 07-ны өдөр R-2023-33 тоот тогтоолоор баталсан “ТУЗ-ийн гишүүдийн цалин хөлс, нөхөн төлбөрийн ерөнхий журам”-ын 2.5 дахь хэсэгт зааснаар ТУЗ-ийн гишүүнд тухайн жилд олгох цалин хөлс нь түүний оролцох шаардлагатай ТУЗ, түүний хороо болон хувьцаа эзэмшигчдийн хурлын ирцийн бүртгэлээс хамааран тодорхойлогддог. ТУЗ-ийн гишүүн тус бүрийн хурлын ирц, хуралд оролцсон байдал, ажлын гүйцэтгэлийг ЗНДЦУХ-ноос жил бүр тодорхойлж, ТУЗ болон хувьцаа эзэмшигчдэд тайлагнаж жилийн үйл ажиллагааны тайланд тусгаж ирсэн бөгөөд ЗНДЦУХ-г өөрчлөн байгуулсантай холбогдуулан, цаашид ЗЦУХ уг ажлыг гүйцэтгэх болно. |
2 |
100 |
| 3 |
6.3. Компанийн жилийн үйл ажиллагааны тайланд
гүйцэтгэх удирдлагын үндсэн цалин, шагнал бусад урамшууллыг олгох
гүйцэтгэлийн шалгуурыг тусгана. |
Бүрэн хэрэгжүүлсэн
|
ХасБанкны 2024 оны Жилийн тайланд гүйцэтгэх удирдлагын үндсэн цалин, шагнал, бусад урамшууллыг олгох гүйцэтгэлийн шалгуурын талаарх мэдээллийг тусгасан ба тус тайланг Санхүүгийн Зохицуулах Хорооны Үнэт цаасны бүртгэлийн журмын дагуу 2024 оны 04 дүгээр сарын 30-ны өдөр өөрийн цахим хуудаст байршуулсан (xacbank.mn-ийн Хөрөнгө оруулагчид -> Тайлан цэст хандана уу). ХасБанкны 2025 оны Жилийн тайланд холбогдох мэдээллийг нэгэн адил тусгаж зохих хугацаанд олон нийтэд мэдээлэх болно. |
2 |
100 |
|
ДОЛОО. ОРОЛЦОГЧ
ТАЛУУДЫН ЭРХ АШИГ |
|
|
8 |
25 |
| 1 |
Компанийн үйл ажиллагаанд оролцогч талуудын эрх ашгийг хүндэлнэ.
|
7.1. Компани нь ТУЗ-өөс баталсан бусад
оролцогч талуудтай хамтран ажиллах, хамтран ажиллах талаар бодлогын
баримт бичигтэй байна. ТУЗ болон гүйцэтгэх удирдлага нь оролцогч
талуудын эрх ашгийг хүндэтгэн, тэдэнтэй хамтран ажиллах байгууллагын
соёлыг төлөвшүүлнэ. |
Бүрэн хэрэгжүүлсэн
|
ХасБанк нь хууль ёсны бөгөөд ёс зүйтэй бизнесийн үйл ажиллагаа явуулах, дотооддоо ёс зүйт зан үйлийн дээд стандартыг баримтлан, ёс зүйд тулгуурласан зан суртахууны соёлыг төлөвшүүлэх зорилгоор баталсан “ТУЗ-ийн гишүүд болон ажилтнуудын ёс зүйн кодекс ба сонирхлын зөрчлийн ерөнхий журам”-аар банкны оролцогч талуудтай харилцах харилцаанд баримтлах ёс зүйн хэм хэмжээг тодорхойлсон.
Мөн “ХасБанкны Засаглалын кодекс”-ийг 2023 онд шинээр баталсан ба уг баримт бичиг нь урт хугацааны, тогтвортой өсөлт хөгжлийн чухал бүрэлдэхүүн болох компанийн засаглалыг сайжруулах зорилготой. Түүний 1 дүгээр зүйлийн 1-д банк нь оролцогч талуудтай харилцах, хамтран ажиллахдаа ил тод, шударга, хариуцлагатай, ёс зүйтэй байх зарчмуудыг баримтлах, 3 дугаар зүйлийн 2-т “санал хураалтад жижиг хувьцаа эзэмшигч, оролцогч талуудын эрхийг онцгойлон харгалзаж үзэх, Монголбанкны журмын дагуу ТУЗ-д хэд хэдэн хараат бус гишүүнийг томилох, холбогдох хууль тогтоомжид заасны дагуу үнэн зөв мэдээллийг тухай бүр авах эрхээ саадгүй хэрэгжүүлэх нөхцөлийг бүрдүүлэхийг чухалчилна. Бүх хувьцаа эзэмшигчийг эрхээ хэрэгжүүлж, шийдвэр гаргахад шаардлагатай буюу хангалттай мэдээллээр хангана” гэж оролцогч талуудын эрх ашгийг хамгаалах талаар зохицуулалтыг тусгасан.
Түүнчлэн, ХасБанк нь өөрийн үндсэн үйл ажиллагааг тогтвортой эрхлэх болон нийтийн итгэлийг хүлээж ажиллахад оролцогч талуудтай идэвхтэй харилцаж, хамтран ажиллахын ач холбогдлыг харгалзан, тэдэнтэй харилцахад баримтлах тодорхой чиглэл, удирдамжийг бий болгох зорилгоор “Оролцогч талуудтай харилцах, хамтран ажиллах журам”-ыг 2024 оны 06 дугаар сарын 21-ний өдөр шинээр баталсан. Тус журмаар гадаад болон дотоод оролцогч талуудыг тодорхойлж, тэдэнтэй харилцах үндсэн зарчим, харилцах суваг, хариуцах ажилтан болоод гомдол гаргах журмыг тодорхойлсон болно (Дээр дурдсан журмуудтай xacbank.mn-ийн Хөрөнгө оруулагчид-> Засаглал-> Дүрэм, журам цэст хандан танилцана уу). |
2 |
100 |
| 2 |
7.2. Компанийн жилийн үйл ажиллагааны тайланд
оролцогч талуудтай хамтран ажиллахдаа ямар асуудалд голчлон анхаарч,
ямар стратеги баримтлан хэрхэн хэрэгжүүлж ажилласан талаар тусгана.
|
Бүрэн хэрэгжүүлсэн
|
ХасБанк нь 2024 онд “Оролцогч талуудтай харилцах, хамтран ажиллах журам”-д заасны дагуу банкны урт хугацааны үнэ цэнийг бий болгох гадаад болон дотоод оролцогч талуудтай үр дүнтэйгээр харилцаж, хамтран ажиллах чиглэлд анхаарч тогтвортой санхүүжилтийг хөгжүүлэх, баталгаажуулалтын чиглэлээр оролцогч талуудын чадавхыг бэхжүүлэх, санхүү, нягтлан бодох бүртгэл, татварын сургалтуудыг үнэ төлбөргүй зохион байгуулах, ажилтнуудынхаа дуу хоолойг бүхий л түвшинд нээлттэй хүлээн авч, тэдгээрийн нээлттэй оролцоог хангах, оролцогч талуудад банкны талаарх мэдээллийг нээлттэй тухай бүр хүргэж ажилласан. ХасБанкны 2024 оны жилийн үйл ажиллагаанд энэ талаар дэлгэрэнгүй тусган түүнийг Санхүүгийн Зохицуулах Хорооны Үнэт цаасны бүртгэлийн журмын дагуу 2025 оны 04 дүгээр сарын 30-ны өдөр өөрийн цахим хуудаст байршуулсан болно. (xacbank.mn-ийн Хөрөнгө оруулагчид -> Тайлан цэст хандана уу).
ХасБанкны 2025 оны Жилийн тайланд холбогдох мэдээллийг нэгэн адил тусгаж зохих хугацаанд олон нийтэд мэдээлэх болно. |
2 |
100 |
| 3 |
7.3. Оролцогч талуудтай хамтран ажиллах,
мэдээлэл солилцох, харилцах зорилгоор компанийн цахим хуудсыг үр
дүнтэйгээр ажиллуулна. |
Бүрэн хэрэгжүүлсэн
|
ХасБанк нь өөрийн xacbank.mn цахим хуудсаар дамжуулан оролцогч талуудад мэдээллийг тогтмол хүргэж, түүний санал, гомдол хэсгээр дамжуулан оролцогч талуудтай харилцан ажиллаж байна (xacbank.mn-ийн Хөрөнгө оруулагчид -> Холбоо барих цэст хандана уу). Цахим хуудсыг 2025 онд бүрэн шинэчилсэн бөгөөд хөрөнгө оруулагч, оролцогч талуудад мэдээлэл хүргүүлэх зориулалт бүхий тусгайлсан цэсийг хэрэглэгчид ээлтэй байдлаар дахин зохион байгуулж 2025 оны 2 дугаар хагасаас эхлэн бүрэн ашиглалтад оруулаад байна (xacbank.mn-ийн Хөрөнгө оруулагчид цэст хандана уу).Энэ ажлын хүрээнд хүссэн этгээд имэйл хаягаа бүртгүүлэн, хувьцаа эзэмшигчдийн хурлын зар, хувьцааны үнэ ханшид нөлөөлж болох мэдээлэл зэрэг мэдээллийг тухай бүр цаг алдалгүй авч байх бүрэн боломжтой боллоо (xacbank.mn-ийн Хөрөнгө оруулагчид оруулагчид -> И-мейл мэдэгдэл цэст хандана уу). |
2 |
100 |
| 4 |
7.4. Компанийн ажилтнуудын санал, хүсэлт,
гомдлыг хүлээн авч шийдвэрлэх дотоод журам, нийгмийн асуудлыг
шийдэх, мэргэжил дээшлүүлэх дотоод журам, ажлын төлөвлөгөөтэй байна.
|
Бүрэн хэрэгжүүлсэн
|
ХасБанк нь 2023 оны 07 дугаар сарын 07-ны өдөр шинэчлэн баталсан “Шүгэл үлээх бодлого”-ын дагуу банкны нэр хүнд, бүтээгдэхүүн, үйлчилгээ, өмч хөрөнгө, үйл ажиллагаа, банкны ажилтанд сөргөөр нөлөөлөх аливаа үйлдлийн талаар болон банкны үйл ажиллагааг зохицуулах эрх зүйн хэм хэмжээг зөрчсөн эсхүл зөрчсөн байж болзошгүй аливаа үйлдэл, эс үйлдэл, нөхцөл байдлын талаар банкны эрх бүхий албан тушаалтан болон ажилтны зүгээс ирүүлсэн мэдээллийг шийдвэрлэн ажиллаж байна (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Харин ажилтнуудын өөр бусад санал, хүсэлт, гомдлыг Хүний нөөцийн удирдлагын газар нь амаар болон бичгээр хүлээн авч, тухай бүр шийдвэрлэн ажилладаг. Ингэхдээ ирүүлсэн мэдээллийн агуулгаас шалтгаалж хяналт шалгалт явуулах, шаардлагатай тохиолдолд өөр бусад нэгжийг татан оролцуулдаг.
ХасБанк нь ажилтнуудын нийгмийн асуудлыг шийдвэрлэх хүрээнд ажилтандаа нэмэлт тэтгэврийн хуримтлал бий болгох үүднээс “Тэтгэврийн нэрийн дансны ерөнхий журам”, ажилтны санхүүгийн хэрэгцээг хангах үүднээс “Ажилтны зээлийн ерөнхий журам”, мэргэжил дээшлүүлэх хүрээнд “ХасБанкны сургалт, хөгжлийн ерөнхий журам” зэргийг тус тус батлан, мөрдүүлж ирсэн. Тус журмуудын хэрэгжилтийг гүйцэтгэх удирдлага болон ТУЗ тогтмол хянаж, журмыг боловсронгуй болгодог ба энэ хүрээнд ажилтандаа гагцхүү нэмэлт тэтгэврийн хуримтлал бус, нэмэлт хуримтлал бий болгох зорилгоор Тэтгэврийн нэрийн дансны ерөнхий журмыг “Ажилтны урт хугацаат хуримтлалын хөтөлбөрийн ерөнхий журам” нэртэйгээр 2024 оны 07 дугаар сарын 16-ны өдөр R-2024-35 тоот тогтоолоор шинэчлэн баталсан болно. |
2 |
100 |
|
НАЙМ. КОМПАНИЙН СОЁЛ
|
|
|
6 |
25 |
| 1 |
ТУЗ-ийн гишүүд компанид бизнесийн ёс зүйн өндөр хэм хэмжээг тогтоож,
өөрсдөө манлайлан гүйцэтгэх удирдлага, ажилтнуудад мөрдлөг болгоно.
|
8.1. Компанийн үнэт зүйлс, алсын харааг
оновчтой тодорхойлж, хууль ёсны, ёс зүйтэй, хариуцлагатай үйл
ажиллагаа явуулах зорилгоор ТУЗ нь ёс зүйн дүрмийг баталж, нийтэд
мэдээлж, хэрэгжилтэд нь хяналт тавина. |
Бүрэн хэрэгжүүлсэн
|
ХасБанк нь хууль ёсны бөгөөд ёс зүйтэй бизнесийн үйл ажиллагаа явуулах зорилгоор дотооддоо ёс зүйт зан үйлийн дээд стандартыг баримтлан, ёс зүйд тулгуурласан зан суртахууны соёлыг төлөвшүүлэх үүднээс “ТУЗ-ийн гишүүд болон ажилтнуудын ёс зүйн кодекс ба сонирхлын зөрчлийн ерөнхий журам”-ыг 2023 оны 07 дугаар сарын 07-ны өдөр шинээр баталж, цахим хуудсаараа дамжуулан нийтэд мэдээлсэн (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Тус журмын хэрэгжилтэд ТУЗ хяналт тавьдаг бөгөөд энэ хүрээнд банкны шинэ ажилтан бүрд банкны үйл ажиллагаа, баримтлах дэг, журам, ёс зүйн хэм хэмжээний талаар үндсэн мэдээлэл олгох зорилгоор “Хасжуулах” сургалтыг сар тутам зохион байгуулдаг.
Мөн Банкны сургалтын дотоод платформ (TalentLMS)-д “Ёс зүйн дүрэм болон сонирхлын зөрчил” сэдэвт сургалтыг байршуулсан. |
2 |
100 |
| 2 |
8.2. Аливаа хууль бус үйлдэл болон ёс зүйн
зөрчлийг ТУЗ, эсвэл түүний дэргэдэх холбогдох хороонд мэдээлэх
"шүгэл үлээгчийн" тогтолцоотой байна. |
Бүрэн хэрэгжүүлсэн
|
ХасБанк нь банкны нэр хүнд, бүтээгдэхүүн, үйлчилгээ, өмч хөрөнгө, үйл ажиллагаа, банкны ажилтанд сөргөөр нөлөөлөх аливаа үйлдлийн талаар болон банкны үйл ажиллагааг зохицуулах эрх зүйн хэм хэмжээг зөрчсөн эсхүл зөрчсөн байж болзошгүй аливаа үйлдэл, эс үйлдэл, нөхцөл байдлын талаар банкны эрх бүхий албан тушаалтан болон ажилтны зүгээс ирүүлсэн мэдээллийг шийдвэрлэхэд баримтлах “Шүгэл үлээх бодлого”-ыг 2023 оны 07 дугаар сарын 07-ны өдөр шинэчлэн баталсан (xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Энэ журмаар шүгэл үлээгч мэдээлэл ирүүлэх, ирүүлсэн мэдээлэлд үндэслэн хяналт, шалгалтыг явуулах, мэдээлэл ирүүлэгчийн нууцыг чандлан хадгалах зэрэг шүгэл үлээх тогтолцоог бүхэлд нь зохицуулдаг бөгөөд дээр дурдсан ‘Хасжуулах’ сургалт болон банк дотоодын харилцах ‘Engage’ платформоор дамжуулан энэ талаарх мэдлэг, мэдээллийг ажилтанд сурталчлан, таниулдаг. |
2 |
100 |
| 3 |
8.3. Ёс зүйн дүрмээр авлига, албан тушаалын
гэмт хэргээс ангид байх болон улс төрийн үйл ажиллагааг дэмжих,
/дэмжихгүй байх/ хандив өргөх /өргөхгүй байх/ талаар зохицуулна.
|
Бүрэн хэрэгжүүлсэн
|
“ТУЗ-ийн гишүүд болон ажилтнуудын ёс зүйн кодекс ба сонирхлын зөрчлийн ерөнхий журам”-ын 2 болон 3 дугаар зүйлүүдэд банкны ТУЗ-ийн гишүүн болон ажилтан нь авлига, албан тушаалын гэмт хэргээс ангид байх, улс төрийн үйл ажиллагааг дэмжихгүй, хандив өгөхөөс зайлсхийн төвийг сахисан байх суурьтай байх талаар зохицуулсан xacbank.mn-ийн Хөрөнгө оруулагчид-> Засаглал-> Дүрэм, журам цэст хандана уу). Мөн Банк болон түүний эрх бүхий албан тушаалтан, ажилтан, агент, түнш, ханган нийлүүлэгч, зөвлөх, төлөөлөгч, зуучлагчийн хэн нь ч банкны өмнө хүлээсэн албан үүргээ гүйцэтгэхдээ өөрийн болон банкны нэрийн өмнөөс авлига, хээл хахуулийн зөрчил үйлдэхгүй байх явдлыг хангах зорилгоор “Авлига, хээл хахуулийн эсрэг ерөнхий журам”-ыг 2023 оны 09 дүгээр сарын 28-ны өдөр R-2023-69 тоот тогтоолоор шинэчлэн баталсан бөгөөд түүгээр энэ асуудлыг нарийвчлан зохицуулж байна. |
2 |
100 |
|
ЕС. ХУВЬЦАА
ЭЗЭМШИГЧДИЙН ЭРХ |
|
|
10 |
25 |
| 1 |
Компани болон ТУЗ нь хувьцаа эзэмшигчдийн эрхийг хүндэтгэн тэгш
хандаж, мэдээлэл авах болон эрхээ хэрэгжүүлэх бололцоогоор бүрэн
хангана.
|
9.1. Компани оролцогч талуудад өөрийн үйл
ажиллагаа, санхүүгийн байдал, засаглалын бүтэц, зохион байгуулалт,
гүйцэтгэлийн үр дүнгийн талаарх мэдээллийг цахим хуудсаараа тухай
бүр хүргэнэ. |
Бүрэн хэрэгжүүлсэн
|
ХасБанк нь өөрийн xacbank.mn цахим хуудсаар дамжуулан үйл ажиллагаа, санхүүгийн тайланг улирлаар, хагас жилээр болон жилээр, Тогтвортой хөгжлийн тайланг жилээр (xacbank.mn-ийн Хөрөнгө оруулагчид -> Тайлан цэст хандана уу), засаглалын зохион байгуулалт буюу хувьцаа эзэмшлийн бүтэц, ТУЗ болон түүний хороод, байгууллагын бүтэц, зохион байгуулалт (xacbank.mn-ийн Бидний тухай болон Хөрөнгө оруулагчид -> Засаглал цэст хандана уу) зэрэг холбогдох мэдээллийг хууль тогтоомжид заасан хугацаанд нийтэд мэдээлэн ажиллаж байна. Мөн хууль тогтоомжийн дагуу тухай бүр мэдээлэх мэдээллийг өөрийн болон Монголын Хөрөнгийн Биржийн цахим хуудсаар дамжуулан цаг алдалгүй, шуурхай мэдээлж байна (xacbank.mn-ийн Хөрөнгө оруулагчид -> Мэдээ цэст хандана уу).
Вэбсайт шинэчлэх ажлын хүрээнд хүссэн этгээд и-мэйл хаягаа бүртгүүлэн, хувьцаа эзэмшигчдийн хурлын зар, хувьцааны үнэ ханшид нөлөөлж болох мэдээлэл зэрэг мэдээллийг тухай бүр цаг алдалгүй авч байх бүрэн боломжтой боллоо. |
2 |
100 |
| 2 |
9.2. Компани хөрөнгө оруулагчидтай харилцах
хөтөлбөртэй байх ба тэдэнтэй харилцах, мэдээлэл солилцох цахим
сувгийг хөгжүүлнэ. |
Бүрэн хэрэгжүүлсэн
|
ХасБанкны Оролцогч талуудтай харилцах, хамтран ажиллах журмыг 2024 оны 06 дугаар сарын 21-ний өдөр баталсан. Уг журмаар “удирдлагын тогтвортой үйл ажиллагаагаар дамжуулан дотоод болон гадаад оролцогч талуудтай харилцах, хамтран ажиллах үндсэн шаардлагыг тогтоож, эдгээр харилцаанд баримтлах чиглэл удирдамжийг тогтоосон”.
ХасБанк оролцогч талуудын ашиг сонирхол, асуудал, хэрэгцээг харгалзан, компанийн үнэт зүйлс болон нийгмийн хариуцлагын тэнцвэрийг хангахын тулд оролцогч талуудтай харилцах үр дүнтэй сувгийг идэвхтэй, тасралтгүй, системтэйгээр бий болгоход шаардлагатай нөөц бололцоог хуваарилах зарчмыг баримтлан ажиллаж байна.
Түүнчлэн, “ХасБанкны Засаглалын кодекс”-ийн 1 дүгээр зүйлийн 1-д банк нь хөрөнгө оруулагчидтай харилцахдаа ил тод, шударга, хариуцлагатай, ёс зүйтэй байх зарчмуудыг баримтлах, 3 дугаар хэсгийн 2-т “санал хураалтад жижиг хувьцаа эзэмшигч, оролцогч талуудын эрхийг онцгойлон харгалзаж үзэх, Монголбанкны журмын дагуу ТУЗ-д хэд хэдэн хараат бус гишүүнийг томилох, холбогдох хууль тогтоомжид заасны дагуу үнэн зөв мэдээллийг тухай бүр авах эрхээ саадгүй хэрэгжүүлэх нөхцөлийг бүрдүүлэхийг чухалчилна. Бүх хувьцаа эзэмшигчийг эрхээ хэрэгжүүлж, шийдвэр гаргахад шаардлагатай буюу хангалттай мэдээллээр хангана” гэж тус тус заасан.
Үүний дагуу хөрөнгө оруулагчидтай харилцах тусгайлсан утас (8508-1888) болон цахим шуудан (investor-relations@xacbank.mn)-г хэрэглээнд нэвтрүүлэн, түүгээрээ дамжуулан өөрийн хувьцаа эзэмшигчидтэй шууд харилцаж байна. Цаашлаад, өөрийн цахим хуудасны “Хөрөнгө оруулагчид” хэмээх тухайлсан цэсээр дамжуулан хөрөнгө оруулагчдад өөрийн үйл ажиллагаа, санхүү, засаглалын тайлан, мэдээ мэдээлэл хүргэж байна. |
2 |
100 |
| 3 |
9.3. Компани хувьцаа эзэмшигчийн хувьцаа
эзэмшигчдийн хуралд оролцох, санал гаргах, санал өгөх, мэдээлэл авах
зэрэг хууль ёсны эрхээ хэрэгжүүлэх бололцоо, нөхцөлийг бүрдүүлнэ.
|
Бүрэн хэрэгжүүлсэн
|
ХасБанк ХК-ийн Дүрмийн 6 дугаар зүйлд хувьцаа эзэмшигчдийн хуралд оролцох, санал гаргах, санал өгөх зэрэг хууль ёсны эрхийг хамгаалан зохицуулсан. Энэ хүрээнд холбогдох хууль тогтоомж, дотоод дүрэм, журмын дагуу ажиллаж байна. Мөн хувьцаа эзэмшигчдийн мэдээлэл авах эрхийг хангах үүднээс нарийвчилсан журам болох “Мэдээллийг ил тод болгох ерөнхий журам”-ыг 2023 оны 07 дугаар сарын 07-ны өдөр шинээр батлан, түүний дагуу нийтэд мэдээлбэл зохих мэдээллийг тогтоосон хугацаанд мэдээлж байна (xacbank.mn-ийн Хөрөнгө оруулагчид -> Мэдээ болон Дүрэм, журам цэст хандан танилцана уу).
ХасБанк нь 2025 онд нийт 3 хувьцаа эзэмшигчдийн хурлыг зохион байгуулсан. Хувьцаа эзэмшигчдийн ээлжит хурлыг 2025 оны 04 дүгээр сарын 29-ний өдөр цахим болон танхимын хосолсон хэлбэрээр зохион байгуулсан. Харин ээлжит бус хурлуудыг 2025 оны 07 дугаар сарын 25-ны өдрөөс 08 дугаар сарын 26-ны өдөр болон 09 дүгээр сарын 18-ны өдрөөс 10 дугаар сарын 10-ны өдрийн хооронд тус тус эчнээ санал хураалтын хэлбэрээр зохион байгуулсан. Ингэхдээ Компанийн тухай хууль, Санхүүгийн Зохицуулах Хорооны “Хувьцаат компанийн хувьцаа эзэмшигчдийн хурлын зар хүргэх журам”, ХасБанкны “Хувьцаа эзэмшигчдийн хурлыг зарлан хуралдуулах үйл ажиллагааны журам”-ын дагуу хувьцаа эзэмшигчдэд хурлын зарыг түгээж, хуралд оролцох бололцоог бүрдүүлсэн. Тус хурлуудаар хувьцаа эзэмшигчид ХасБанкны “Xac Meeting” аппликейшнийг ашиглан цахимаар эсхүл биечлэн саналаа өгөх боломжийг бүрэн хангаж ажилласны зэрэгцээ хурлын материал болон холбогдох шийдвэрүүдийг өөрийн цахим хуудаст байрлуулж, түүнтэй танилцах бололцоог бүрдүүлсэн (xacbank.mn-ийн Хөрөнгө оруулагчид -> Хувьцаа эзэмшигчдийн хурал цэст хандана уу).
“Xac Meeting” аппликейшнийг хөндлөнгийн аудитын байгууллага ITAF, GTAG, ISA315, ISA330 зэрэг бизнесийн системийн баталгаажуулалтад хамаарах олон улсын стандарт, зааварчилгааны дагуу хянан шалгаад, хурлын ирц бүртгэх, хувьцаа эзэмшигчдийн хурлын санал хураалтын үр дүнг хандах эрх болон нууцлалын зөв зохицуулалтайгаар, үнэн зөв бөгөөд бүрэн бүтэн тооцоолон боловсруулдаг болохыг дүгнэн баталгаажуулсан болно. |
2 |
100 |
| 4 |
9.4. Компанийн үйл ажиллагааны чиглэл,
өмчлөлийн бүтцийн асуудлаар хувьцаа эзэмшигчдээс санал өгөх эрхээ
хэрэгжүүлэхэд нь онцгойлон анхаарна. |
Бүрэн хэрэгжүүлсэн
|
ХасБанк ХК-ийн Дүрмийн 8.6 дахь хэсэгт Банкны үйл ажиллагааны чиглэл (банкны үйл ажиллагаанд аливаа өөрчлөлт оруулах), өмчлөлийн бүтэцтэй холбоотой асуудал (банкны хувь нийлүүлсэн хөрөнгийг өсгөх, бууруулах, хувьцааг хуваах эсхүл буцаан нэгтгэх, нийт гаргасан хувьцааны 5 (тав) хувиас дээш хувийг эргүүлэн авах зэргээр Банкны өөрийн хөрөнгийн бүтцэд аливаа материаллаг өөрчлөлт оруулах, нэмж хувьцаа, хувьцаанд хөрвөх аливаа төрлийн үнэт цаас гаргах зэрэг)-ыг “Стратегийн ач холбогдол бүхий асуудал” хэмээн тодорхойлж, хуралд оролцож буй саналын эрхтэй хувьцаа эзэмшигчдийн дийлэнх олонх (66.67%-иас доошгүй хувь)-ийн саналаар батлах зохицуулалтыг тусгасан. |
2 |
100 |
| 5 |
9.5. Компани болон хувьцаа эзэмшигчдийн ашиг
сонирхол зөрчигдөхөөс сэргийлэх зорилгоор сонирхлын зөрчилтэй хэлцэл
хийх журамтай байх ба хэрэгжилтийг нийтэд мэдээлнэ. |
Бүрэн хэрэгжүүлсэн
|
ХасБанк нь өөрийн ердийн үйл ажиллагааны хүрээнд бусад этгээдтэй хийх хэлцлээс хөнгөлөлттэй нөхцөлөөр сонирхлын зөрчилтэй этгээдтэй хэлцэл хийх, улмаар хувьцаа эзэмшигчдийн нийтлэг ашиг сонирхол зөрчигдөхөөс сэргийлэх зорилгоор “Сонирхлын зөрчилтэй этгээд болон холбогдох этгээдтэй хэлцэл хийх журам”-ыг 2023 оны 07 дугаар сарын 07-ны өдөр шинээр баталсан. Тус журмын дагуу сонирхлын зөрчилтэй хэлцэл байгуулдаг бөгөөд энэ талаар холбогдох хууль тогтоомжийн дагуу тухай бүр Монголын Хөрөнгийн Бирж болон өөрийн цахим хуудсаараа дамжуулан нийтэд мэдээлэн ажиллаж байна. Хэлцлийн мэдээлэлтэй ХасБанк (xacbank.mn-ийн Хөрөнгө оруулагчид -> Мэдээ -> Тухай бүр мэдээлэх мэдээлэл -> Сонирхлын зөрчилтэй хэлцэл ) болон Монголын Хөрөнгийн Бирж (https://mse.mn/mn/company/568 холболтын Бусад мэдээлэл -> Сонирхлын зөрчилтэй болон их хэмжээний хэлцэл цэс)-ийн албан ёсны цахим хуудаст хандан танилцана уу. Мөн, хагас жил, жилд хийсэн нийт сонирхлын зөрчилтэй болон их хэмжээний хэлцлийн талаарх мэдээллийг холбогдох үйл ажиллагааны тайланд тусган, хувьцаа эзэмшигчдэд ил тодоор тайлагнадаг болно (xacbank.mn-ийн Хөрөнгө оруулагчид -> Тайлан цэст хандана уу).
Түүнчлэн, Холбогдох этгээдийн болон Сонирхлын зөрчилтэй хэлцлийн тайланг Санхүүгийн Зохицуулах Хороонд улирал бүр хүргүүлэн ажиллаж байна. |
2 |
100 |
|
НЭГДСЭН ДҮН |
|
72 |
|
|
Дундаж хувь |
|
100.00 |
|