|
|
|
Хэрэгжилт |
Тайлбар |
Компанийн өөрийн үнэлгээ |
Хувь |
|
НЭГ. ТУЗ-ИЙН БҮТЭЦ,
ЗОХИОН БАЙГУУЛАЛТ НИЙТ |
|
|
12 |
25 |
| 1 |
ТУЗ нь олон талт ур чадвар, мэдлэг, туршлага, хараат бус байдал
зэргийг зохистойгоор хангасан, алсын хараатай, бүтээлч, үр дүнтэй
бүтэц байна
|
1.1. Компани нь ТУЗ-ийн үйл ажиллагааны
журмаар ТУЗ-ийн дарга, гишүүд, нарийн бичгийн даргын чиг үүрэг,
хариуцлагыг нарийвчлан зохицуулна. |
Бүрэн хэрэгжүүлсэн
|
ТУЗ гишүүд болон ТУЗ-ийн нарийн бичгийн даргын чиг үүрэг, хариуцлагыг нарийвчлан зохицуулсан ТУЗ-ийн Үйл ажиллагааны журмыг 2022 онд анхлан баталж байсан бөгөөд холбогдох хууль, журам, шаардлагад нийцүүлэн 2024 оны 6 сарын 14-ны өдрийн 47 тоот ТУЗ-ийн тогтоолоор шинэчлэн баталсан. Тус журмын хэрэгжилтийн дагуу ТУЗ болон ТУЗ-ийн дэргэдэх хороод жил бүр тайлангаа олон нийтэд мэдээлэн ажиллаж байна. ХХБ ХК-ийн дүрэм болон ТУЗ-ийн үйл ажиллагааны журам: https://www.tdbm.mn/mn/investment/durem-juram |
2 |
100 |
| 2 |
1.2. Компани нь ТУЗ-ийн гишүүнийг сонгон
шалгаруулах, томилох асуудлыг тусгасан нэр дэвшүүлэх журам, залгамж
халааны бодлогын баримттай байна. |
Бүрэн хэрэгжүүлсэн
|
ТУЗ-ийн гишүүдийг сонгон шалгаруулж, нэр дэвшүүлэхдээ холбогдох хууль журмыг баримтлахаас гадна ТУЗ-ийн 2023 оны 12 сарын 1-ний өдрийн 64 тоот тогтоолоор баталсан ТУЗ-ийн гишүүнийг сонгон шалгаруулах, нэр дэвшүүлэх журмыг баримтлан ТУЗ-ийн дэргэдэх цалин урамшууллын болон нэр дэвшүүлэх хорооны хараат бус шийдвэрийг үндэслэн ажилладаг. Тус журманд ердийн болон хараат бус гишүүнийг томилох шалгуур үзүүлэлтийг нарийвчлан тусгасан. ТУЗ-ийн гишүүнийг сонгон шалгаруулах, нэр дэвшүүлэх журам: https://www.tdbm.mn/mn/investment/durem-juram?page=1 |
2 |
100 |
| 3 |
1.3. ТУЗ-ийн гишүүн бүрийн ажлын туршлага,
ажилласан хугацаа, хараат бус байдал, хувьцааны эзэмшлийн хувь
хэмжээ, хуралдаанд оролцсон ирц зэрэг мэдээллийг жилийн үйл
ажиллагааны тайланд дэлгэрэнгүйгээр тусгаж, цахим хуудсандаа
байршуулна. |
Бүрэн хэрэгжүүлсэн
|
Жилийн үйл ажиллагааны тайланд ТУЗ-ийн гишүүдийн танилцуулга, ТУЗ, хороодын ажлын тайлан, мэдээллийг тусгаж, өөрийн болон МХБ-ийн цахим хуудсанд байршуулсан. Жилийн үйл ажиллгааны тайлан: https://www.tdbm.mn/mn/investment/uil-ajillagaanii-tailan |
2 |
100 |
| 4 |
1.4. Компани нь ТУЗ болон түүний дэргэдэх
хороодын бүтэц, бүрэлдэхүүний бодлогын баримттай байх ба уг баримт
бичигт гишүүний боловсрол, мэргэшил, ур чадвар, туршлагад тавигдах
шаардлага болон хүйсийн тэнцвэрт байдал зэргийг тусгана. |
Бүрэн хэрэгжүүлсэн
|
ТУЗ нь дэргэдээ Аудит, Эрсдэлийн удирдлага, Цалин, урамшууллын болон нэр дэвшүүлэх, Тогтвортой хөгжлийн гэсэн 4 хороотой бөгөөд олон талт ур чадвар, мэдлэг, туршлага, ашиг сонирхлын зөрчил, хараат бус байдал, хүйсийн тэнцвэр зэргийг зохистойгоор хангасан гишүүдийн бүрэлдэхүүнтэйгээр бүтээлч, үр дүнтэй бүтэцтэй байлгахыг зорьж томилдог ба хороо тус бүр ТУЗ-өөр баталсан үйл ажиллагааны журмын дагуу зохион байгуулалтыг хийдэг. ТУЗ-ийн 9 гишүүний 5 нь эмэгтэй, 4 нь эрэгтэй буюу хүйсийн хувьд тэнцвэртэй байдлыг хадгалсан бөгөөд үйл ажилагаандаа “Худалдаа, хөгжлийн банкны Жендэрийн эрх тэгш байдлын бодлого”-ын баримтлан ажиллаж байна. Хороодуудын танилцуулга: https://www.tdbm.mn/mn/investment/toloolon-udirdah-zovloliin-dergedeh-horood Хороодуудын үйл ажиллагааны журам: https://www.tdbm.mn/mn/investment/durem-juram?page=2 |
2 |
100 |
| 5 |
1.5. ТУЗ-ийн гишүүнийг анх томилогдоход
чиглүүлэх сургалтыг зохион байгуулах ба ажил үүргээ гүйцэтгэхэд
шаардлагатай ур чадвар, мэдлэг, мэдээллийг олгох, тэдгээрийг
шинэчлэх сургалтад тогтмол хамруулна. |
Бүрэн хэрэгжүүлсэн
|
“ТУЗ-ийн гишүүдэд зориулсан гарын авлага” -ыг боловсруулан банкны товч түүх, бүтэц, зохион байгуулалт, удирдлага, ажил үүргээ гүйцэтгэхэд мэдсэн байх шаардлагатай хууль, эрх зүйн зохицуулалтууд, тухайлбал ТУЗ болон гишүүний эрх, үүрэг, Банкны бодлого, журмын талаар мэдээллээр хангахаас гадна гишүүд нь хөндлөнгийн зөвлөх, мэргэжилтнээс зөвлөгөө, үйлчилгээ авах, гишүүдийн боловсрол мэдлэгийг сайжруулах зорилгоор дотоод болон гадаад эх үүсвэрээс сургалт авах, хамрагдах эрхтэй төдийгүй дотоод сургалтуудад нээлттэй оролцох боломжтой. Жил бүр ТУЗ-ийн гишүүдэд зориулсан сургалтын хөтөлбөрийг баталж, мөрдөж ажиллаж байна. |
2 |
100 |
| 6 |
1.6. ТУЗ-ийн нарийн бичгийн дарга нь ТУЗ-ийн
үйл ажиллагааг зохистой явуулах асуудлаар ТУЗ-ийн даргаар дамжуулан
хариуцлага хүлээнэ. |
Бүрэн хэрэгжүүлсэн
|
ТУЗ-ийн үйл ажиллагааны журманд ТУЗ-ийн нарийн бичгийн даргын гүйцэтгэх үүргийг тодорхойлсон байдаг төдийгүй Банкны дүрмийн 10.1 дэх хэсэгт ТУЗ-ийн нарийн бичгийн даргыг ТУЗ-ийн даргын санал болгосноор ТУЗ-ийн хурлаас томилохоор заасан байдаг. ТУЗ-ийн үйл ажиллагааны журам: https://www.tdbm.mn/mn/investment/durem-juram?page=2 |
2 |
100 |
|
ХОЁР. ТУЗ-ИЙН ДЭРГЭДЭХ
ХОРООД, ТЭДГЭЭРИЙН ЧИГ ҮҮРЭГ НИЙТ ОНОО |
|
|
10 |
25 |
| 1 |
ТУЗ нь өөрийн үйл ажиллагааг тодорхой чиг үүрэг хариуцсан өөрийн
дэргэдэх хороодоор дамжуулан хэрэгжүүлж, эцсийн хариуцлагыг хүлээнэ.
|
2.1. ТУЗ-ийн дарга болоод ТУЗ-ийн гишүүдийн
олонх нь хараат бус гишүүн байхыг зорино. |
Бүрэн хэрэгжүүлсэн
|
омпанийн тухай хуулийн 75.4, Банкны тухай хуулийн 33.1 дэх хэсгийн шаардлагыг хангасан буюу ТУЗ нь 3 хараат бус гишүүнтэй. ТУЗ-ийн даргыг саналын эрхтэй нийт гишүүний олонхийн саналаар ТУЗ-ийн гишүүд дундаас сонгодог ба үүний дагуу 12 өөр улсын банкны салбарт 50 гаран жил ажилласан туршлагатай банкир болох Рандолф Коппаг ХХБ-ны ТУЗ-ийг даргаар сонгон томилсон. ТУЗ-ийн дэргэдэх Хороодыг хараат бус гишүүд удирдаж байгаа төдийгүй бүрэлдэхүүний хувьд 2/3 нь хараат бус гишүүд байна. ТУЗ-ийн гишүүдийн танилцуулга: https://www.tdbm.mn/mn/investment/toloolon-udirdah-zovlol |
2 |
100 |
| 2 |
2.2. ТУЗ-ийн дэргэдэх аудитын хороо нь үйл
ажиллагааны журам аудитын бодлогын баримт бичигтэй байна. Аудитын
хорооны дарга нь ТУЗ-ийн дарга бус байна. Аудитын хорооны хуралд
компанийн гүйцэтгэх удирдлага болон ажилтнууд гагцхүү тус хорооны
хүсэлтээр оролцоно. |
Бүрэн хэрэгжүүлсэн
|
ТУЗ-ийн дэргэдэх Аудитын хорооны дүрмийг 2021 оны 5 дугаар сарын 12-ны өдрийн 52 тоот ТУЗ-ийн тогтоолоор баталсан ба Аудитын хорооны зорилго, хорооны бүтэц бүрэлдэхүүн, хорооны эрх, үүрэг, үйл ажиллагааг тодорхойлсон 5 бүлэгтэй. Дүрэмд заасны дагуу Аудитын хороо нь Банкны засаглал, хууль тогтоомжийн хэрэгжилт, ёс зүйн хэм хэмжээ, санхүүгийн тайлагналт, дотоод хяналтын тогтолцоо, хөндлөнгийн болон дотоод аудитын үйл ажиллагаанд системтэйгээр дүгнэлт өгөх, банкны хувьцаа эзэмшигчид, ТУЗ болон бусад оролцогч талуудад үнэн зөв бодит мэдээллийг хүргэх замаар байгууллагын удирдлага, зохион байгуулалтын бүх түвшинд сайн засаглалын тогтолцоог бэхжүүлэх зорилготой. Аудитын хорооны журмын 5.7-д хурлын зохион байгуулалтын асуудлыг нарийн бичгийн дарга хариуцаж, хорооны даргын саналаар хэлэлцэх асуудлаас хамаарч, Гүйцэтгэх захирал, Гүйцэтгэх удирдлагын харьяа нэгжүүдийн удирдлага зэрэг хуралд байлцах оролцогчдыг тодорхойлохооор заасан. Аудитын хорооны дүрэмд 2024 оны 5-р сарын 22-ны өдөр 41 тоот ТУЗ-ийн тогтоолоор өөрчлөлт оруулсан ба тухайлбал, их хэмжээний хэлцэл, сонирхлын зөрчилтэй хэлцэл болон холбогдох этгээдийн хэлцэлд хяналт тавих, хөндлөнгийн аудиторыг ХЭ-ийн хуралд оролцуулах зэрэг зохицуулалтыг нэмсэнээс гадна хорооны хуралд гишүүдийн оролцоо, хурлын хэлэлцэх асуудалд зарим нэг шаардлагатай тодруулгыг оруулсан болно. Энэхүү хороо нь ТУЗ-ийн хараат бус төдийгүй ТУЗ-ийн дарга бус гишүүнээр даргалуулсан болно. Аудитын хорооны танилцуулга: https://www.tdbm.mn/mn/investment/toloolon-udirdah-zovloliin-dergedeh-horood Аудитын хорооны дүрэм: https://www.tdbm.mn/sites/default/files/2024-09/ |
2 |
100 |
| 3 |
2.3. ТУЗ-ийн дэргэдэх цалин урамшууллын хороо
нь цалин, урамшууллын үйл ажиллагааны журам, цалин урамшууллын
бодлогын баримт бичигтэй байна. Цалин урамшууллын хорооны дарга нь
ТУЗ-ийн дарга бус, мөн хараат бус гишүүн байна. Цалин урамшууллын
хорооны хуралд гүйцэтгэх удирдлага гагцхүү хорооны хүсэлтээр
оролцоно. |
Хэсэгчилэн хэрэгжүүлсэн
|
ТУЗ-ийн дэргэдэх цалин урамшуулын болон нэр дэвшүүлэх хороо (ЦУНДХ)-ны журмыг 2022 оны 11-р сарын 15-ны 80 тоот ТУЗ-ийн тогтоолоор баталсан ба хорооны дарга нь хараат бус гишүүн болно. Хорооны үндсэн чиг үүрэг нь ТУЗ-ийн гишүүнд горилогчийн анхан шатны шалгуур, хууль тогтоомж, зохицуулагч байгууллагын бодлого журамд заасан сонгох горимын үндсэн дээр ТУЗ-ийн гишүүнд нэр дэвшүүлэх, гишүүнийг үүрэгт ажлаас чөлөөлөх асуудлыг ТУЗ-ийн хуралд танилцуулан, ХЭХ-ийн хуралд танилцуулах, ТУЗ-ийн дэргэдэх хороонд гишүүнийг нэр дэвшүүлэх, удирдлагын багийн гүйцэтгэлийг дүгнэх шалгуур үзүүлэлтийг батлах, банкны цалин, урамшууллын бодлогын төсөлд санал өгөх, банкны бүтцэд санал өгөх зэрэг болно. ЦУНДХ-ны танилцуулга: https://www.tdbm.mn/mn/investment/toloolon-udirdah-zovloliin-dergedeh-horood ЦУНДХ-ны журам: https://www.tdbm.mn/sites/default/files/2024-09/ |
1.5 |
75 |
| 4 |
2.4. ТУЗ-ийн дэргэдэх нэр дэвшүүлэх хороо нь
үйл ажиллагааны журам, залгамж халааны бодлогын баримт бичигтэй
байна. Нэр дэвшүүлэх хорооны дарга нь ТУЗ-ийн дарга бус, мөн хараат
бус гишүүн байна. |
Хэсэгчилэн хэрэгжүүлсэн
|
Одоогоор ЦУНДХ нь нэр дэвшүүлэх хорооны үүргийг хэрэгжүүлэн ажилладаг бөгөөд хараат бус гишүүнээр даргалуулсан ТУЗ-ийн гишүүн болон Гүйцэтгэх удирдлагад нэр дэвшигчид тавих шаардлагыг тодорхойлж, ур чадвар, мэдлэг, боловсрол, ажлын туршлага зэргийг үнэлэх шалгуурыг тогтоох, хуульд заасан шаардлагыг хангаж байгаа эсэх болон үйл ажиллагаанд үнэлэлт, дүгнэлт өгөх, ТУЗ-ийн үйл ажиллагааг дүгнэж тайлагнах, тэдгээрийн цалин хөлс урамшууллын хэмжээ, бодлогыг тодорхойлох, банкны бүтэц, зохион байгуулалт, засаглалыг хөгжүүлэх чиглэл өгөх зэргээр эрх үүрэгтэй хороо болно. ТУЗ-ийн гишүүнийг сонгон шалгаруулах, нэр дэвшүүлэх журам: https://www.tdbm.mn/sites/default/files/2024-09/ |
1.5 |
75 |
| 5 |
2.5. ТУЗ нь өөрийн дэргэд бусад чиг үүрэг
бүхий байнгын болон түр хороог байгуулж болно. ТУЗ-ийн дэргэдэх
хороод бүгд үйл ажиллагааны журам, заавартай, чиг үүргээ
хэрэгжүүлэхэд шаардлагатай мэдлэг, ур чадвар, ажлын туршлага бүхий
бүрэлдэхүүнтэй байна. |
Бүрэн хэрэгжүүлсэн
|
ТУЗ нь дэргэдээ Аудит, Эрсдэлийн удирдлага, Цалин, урамшууллын болон нэр дэвшүүлэх, Тогтвортой хөгжлийн гэсэн 4 хороотой бөгөөд хороо тус бүр үйл ажиллагааны журмыг баримтлан ажилладаг. Тогтвортой хөгжлийн хорооны танилцуулга: https://www.tdbm.mn/mn/investment/toloolon-udirdah-zovloliin-dergedeh-horood ТУЗ-ийн дэргэдэх хороодын үйл ажиллагааны журам: https://www.tdbm.mn/mn/investment/durem-juram?page=2 |
2 |
100 |
|
ГУРАВ. ТАЙЛАГНАЛ,
МЭДЭЭЛЛИЙН ИЛ ТОД БАЙДАЛ |
|
|
6 |
25 |
| 1 |
ТУЗ нь өөрийн үйл ажиллагааг тодорхой чиг үүрэг хариуцсан өөрийн
дэргэдэх хороодоор дамжуулан хэрэгжүүлж, эцсийн хариуцлагыг хүлээнэ.
|
3.1. ТУЗ нь компанийн мэдээллийн ил тод
байдал, тайлагналын журмыг баталж, хэрэгжилтэд нь хяналт тавина.
|
Бүрэн хэрэгжүүлсэн
|
ТУЗ-ийн 2023 оны 2-р сарын 17 -ны 9 тоот тогтоолоор “ХХБ-ны мэдээллийн ил тод байдал, тайлагналын журам”-ыг батлан, мөрдөн ажиллаж байгаа төдийгүй СЗХ-ны “Үнэт цаасны бүртгэл журам”, МХБ-ийн “Үнэт цаас гаргагчаас олон нийтэд хүргэх мэдээллийн журам” -д заасан зохицуулагч байгууллага, хувьцаа эзэмшигчид болон олон нийтэд хүргэх мэдээллийг цаг хугацаанд нь мэдээллэн ажиллаж байна. ХХБ-ны мэдээллийн ил тод байдал, тайлагналын журам: https://www.tdbm.mn/mn/investment/durem-juram?page=1 |
2 |
100 |
| 2 |
3.2. ТУЗ нь энэхүү кодекст заасан засаглалын
баримт бичиг, дүрэм, журам, зааврыг цахим хуудсаараа дамжуулан олон
нийтэд хүргэнэ. |
Бүрэн хэрэгжүүлсэн
|
Кодекст заасан бодлогын баримт бичиг, дүрэм, журам, зааврыг өөрийн албан ёсны цахим хаягт байршуулсан ба өөрчлөлт, шинэчлэлт орсон тухай бүрт мэдээллийг шинэчлэн ажиллаж байна. Дүрэм, журмуудтай танилцах: https://www.tdbm.mn/mn/investment/durem-juram?page=0 |
2 |
100 |
| 3 |
3.3. Санхүүгийн болон санхүүгийн бус
тайлагнал нь тэнцвэртэй, тодорхой, бодит байна. Санхүүгийн бус
тайлан нь хүрээлэн буй орчин, нийгэм, эдийн засгийн хүрээнд
компанийн тогтвортой үйл ажиллагаанд нөлөөлж болзошгүй хүчин зүйлс,
эрсдэл, компанийн үйл ажиллагааны зорилго, зорилтууддаа хүрсэн
эсэхийг үнэлсэн мэдээлэл байна. |
Бүрэн хэрэгжүүлсэн
|
Банкны цахим хуудас болон арилжаа эрхэлдэг байгууллага болох Монголын хөрөнгийн биржийн цахим хаягаар дамжуулан санхүүгийн болон санхүүгийн бус мэдээллийг олон нийтэд холбогдох хугацаанд нь нээлттэй, ил тод, тодорхой байдлаар мэдээлэн ажиллаж байна. Банкны жилийн тайлан: https://www.tdbm.mn/mn/investment/uil-ajillagaanii-il-tod-baidal Банкны жилийн үйл ажиллагааны тайлан /СЗХ-ны маягтаар/: https://www.tdbm.mn/mn/investment/uil-ajillagaanii-tailan Санхүүгийн улирлын болон аудитлагдсан тайлан: https://www.tdbm.mn/mn/about-tdbm/financial-information/sanhuugiin-auditlagdsan-tailan БОНЗ-ын тайлан: Засаглалын тайлан хэсэгт https://www.tdbm.mn/mn/investment/uil-ajillagaanii-tailan |
2 |
100 |
|
ДӨРӨВ. АУДИТ, ХЯНАЛТЫН
ТОГТОЛЦОО |
|
|
6 |
25 |
| 1 |
ТУЗ нь аудит, хяналтын тогтолцооны хараат бус, үр дүнтэй байдлыг
хангана.
|
4.1. ТУЗ нь аудитын хорооны үйл ажиллагааны
журамд хөндлөнгийн аудитортой харьцах, түүнийг хуульд заасан чиг
үүргээ саадгүй гүйцэтгэх нөхцөл боломжоор хангах талаар тусгаж,
хэрэгжилтэд нь хяналт тавина. |
Бүрэн хэрэгжүүлсэн
|
ТУЗ-ийн дэргэдэх Аудитын хорооны дүрмийн 4-р бүлэг “Аудитын хорооны үүрэг”-ийн 4.10-4.13 дахь хэсэгт Аудитын хороо нь ТУЗ-ийг төлөөлөн хөндлөнгийн аудитын байгууллагатай ТУЗ-ийг төлөөлөн хамтран ажиллах, хөндлөнгийн аудитын үйлчилгээний нөхцөлийн талаар санал авах, аудитын зөвлөмжийн хэрэгжилтийг хянах, хөндлөнгийн аудитын байгууллагын бие даасан хараат бус байдлыг хянах зэрэг үүрэгтэй байхаар заасан. Аудитын хорооны дүрэм: https://www.tdbm.mn/sites/default/files/2024-09/ |
2 |
100 |
| 2 |
4.2. Хөндлөнгийн аудитор нь хувьцаа
эзэмшигчдийн ээлжит хуралд оролцож, аудиттай холбоотой асуудлаар
хувьцаа эзэмшигчдэд мэдээлэл өгдөг байна. |
Бүрэн хэрэгжүүлсэн
|
2025 оны 4 дүгээр сарын 25-нд болсон Хувьцаа эзэмшигчдийн ээлжит хуралд Банкны 2024 оны санхүүгийн тайланд хөндлөнгийн аудитын үйлчилгээ үзүүлсэн Эрнст энд Янг ХХК -ийн төлөөлөл буюу партнер нар оролцсон болно. Мөн 2024 оны 5 дугаар сарын 22-ны өдрийн ТУЗ-ийн 41 тоот тогтоолоор “ХХБ-ны Аудитын хорооны дүрэм”-д өөрчлөлт оруулж, хөндлөнгийн аудиторын хувьцаа эзэмшигчдийн ээлжит хуралд оролцох, мэдээлэл өгөх боломжоор хангасан зохицуулалтыг 4.13 дахь хэсэгт тусгасан болно. |
2 |
100 |
| 3 |
4.3. Дотоод аудитын тогтолцоо, түүний бүтэц,
зохион байгуулалт, чиг үүрэг, тэдгээрт орсон өөрчлөлтийн талаарх
мэдээллийг компанийн үйл ажиллагааны тайлан болон цахим хуудсаар
дамжуулан нийтэд мэдээлж, тус хорооны хурлын ирц, хуралдсан асуудал,
давтамжийн талаар тогтмол тайлагнана. |
Бүрэн хэрэгжүүлсэн
|
Дотоод аудитын үйл ажиллагаа нь ТУЗ-ийн 2021 оны 52 тоот тогтоолоор батлагдсан Дотоод аудитын бодлогыг баримтлан ажилладаг ба Гүйцэтгэх удирдлагаас хараат бус, бие даасан байдлаар зохион байгуулалтыг Аудитын хороо болон ТУЗ-д шууд ажлаа тайлагнан ажилладаг. ДАГ болон харьяа нэгжийн удирдах ажилтныг ТУЗ, аудиторуудын ТУЗ-ийн дэргэдэх ажлын албаны бие даасан шийдвэрээр томилж, цалин урамшууллыг тодорхойлдог. Банкны жилийн тайлангаас гадна ТУЗ-ийн дэргэдэх Аудитын хорооны жилийн тайланд холбогдох мэдээллийг тусгаж, олон нийтэд мэдээлж ажилладаг. Дотоод аудит, хяналтын тогтолцоо: https://www.tdbm.mn/mn/investment/sanhuu-burtgeliin-togtoltsoo-dotood-hyanalt Дотоод аудитын бодлого: https://www.tdbm.mn/sites/default/files/2024-09/ |
2 |
100 |
|
ТАВ. ЭРСДЭЛИЙН
УДИРДЛАГА |
|
|
8 |
25 |
| 1 |
ТУЗ нь эрсдэлийн удирдлага болон комплайнсын хяналтыг зохистой
байдлаар, хараат бусаар зохион байгуулж, тэдгээрийн үр дүнтэй
байдалд тогтмол хяналт тавина.
|
5.1. Компани нь эрсдэлийн удирдлагын заавар
болон бүтэцтэй байх ба эрсдэлийн удирдлагын үйл ажиллагааны үр дүн,
хараат бус байдалд ТУЗ хяналт тавина. |
Бүрэн хэрэгжүүлсэн
|
Банкны эрсдэлийн удирдлагыг банкны холбогдох нэгжүүд үйл ажиллагааны чиглэлийн хүрээнд хариуцан хэрэгжүүлэх бөгөөд үйл ажиллагаагаа Эрсдэл хариуцсан Гүйцэтгэх захирлын орлогчид тайлагнана. ТУЗ-ийн дэргэдэх Эрсдэлийн удирдлагын хорооны ажиллах журамд Эрсдэл хариуцсан Гүйцэтгэх захирлын орлогч нь банкны эрсдэлтэй холбоотой аливаа асуудлаар ТУЗ-д шаардлагатай нөхцөл тухай бүрд хараат бусаар тайлагнах эрхтэй байхаар зохицуулагдсан байдаг. Эрсдэлийн удирлагын мэдээлэлтэй танилцах: https://www.tdbm.mn/mn/investment/ersdeliin-udirdlaga Эрсдэлийн удирдлагын бодлого: https://www.tdbm.mn/sites/default/files/2024-09/ |
2 |
100 |
| 2 |
5.2. ТУЗ нь дэргэдээ эрсдэлийн удирдлага
хариуцсан хороотой байхыг зорих ба уг хороо нь гурваас доошгүй тооны
гишүүнтэй, дарга болон гишүүдийн олонх нь хараат бус гишүүн байна.
Эрсдэлийн хорооны үйл ажиллагааны журам, бүтэц, бүрэлдэхүүнийг
компанийн жилийн үйл ажиллагааны тайлан болон цахим хуудсаар
дамжуулан нийтэд мэдээлж, тус хорооны хурлын ирц, хуралдсан асуудал,
давтамжийн талаар тогтмол тайлагнана. |
Бүрэн хэрэгжүүлсэн
|
Эрсдэлийн удирдлагын хороо нь бүрэлдэхүүний 2/3 нь хараат бус гишүүнтэй, хараат бус гишүүн даргатайгаар ТУЗ-өөс баталсан журмыг баримтлан үйл ажиллагаагаа явуулдаг ба хороо нь тайлангаа ТУЗ-д танилцуулж ажилладаг. Банкны үйл ажиллагаанд сөрөг нөлөө үүсгэж болзошгүй эрсдэлийн аппетитаар тодорхойлогдсон гол эрсдэлүүдтэй холбоотой зохицуулах эрх бүхий байгууллагуудын журам, заавар, эрх зүйн актуудад гарсан өөрчлөлт, банкны салбарын бодлогын хэрэгжилтийн хяналт шалгалтад баримталдаг аргачлалд орсон өөрчлөлт, банкны бизнесийн стратегийн зорилтод үзүүлэлтүүдэд нийцүүлэн эрсдэлийн удирдлагыг сайжруулах талаар банкны гүйцэтгэх удирдлагад зөвлөмж өгч ажилладаг. Эрсдэлийн удирдлагын хорооны танилцуулга: https://www.tdbm.mn/mn/investment/toloolon-udirdah-zovloliin-dergedeh-horood Эрсдэлийн хорооны жилийн тайлан: https://www.tdbm.mn/sites/default/files/ |
2 |
100 |
| 3 |
5.3. Компанийн үйл ажиллагаанд байгаль орчин,
нийгмийн хариуцлага, эрүүл мэнд, аюулгүй байдлын эрсдэл байгаа
эсэхийг үнэлэн нийтэд мэдээлж, тэдгээр эрсдэлийг хэрхэн удирдаж
буйгаа тайлбарлана. |
Бүрэн хэрэгжүүлсэн
|
Байгаль орчин, нийгэмд ээлтэй, түүнд үзүүлэх сөрөг нөлөөллөөс сэргийлэх, бууруулах замаар бизнесийн үйл ажиллагааг явуулж, урт хугацаанд тогтвортой хөгжих зорилтын хүрээнд Банк нь харилцагчиддаа олгох санхүүжилтээрээ дамжуулан, зээлийн эрсдэлийг үнэлэх, бууруулах үйл явцтай адил зарчмаар харилцагчдынхаа байгаль орчин, нийгэмд учруулж болзошгүй эрсдэлийг тодорхойлж, үнэлэх улмаар тэдгээр эрсдэлээс үүсч болох санхүүгийн хор хохирлоос харилцагчийг хамгаалах, нийгмийн хариуцлагаа хэрэгжүүлэх чиглэлээр ажилладаг. Цаашлаад Банк нь байгаль орчин, нийгэмд ээлтэй бизнесийг санхүүжүүлэх, “НОГООН” санхүүжилтийг дэмжих, байгаль орчин, нийгмийн эрсдэлийг бууруулахыг зорилтоо болгосон. Банк нь тогтвортой санхүүжилтийн хөтөлбөрийг хэрэгжүүлэхдээ нийт банкны ажилтнууд тэр дундаа зээлийн ажилтнуудаа сургах, байгаль орчин, нийгмийн эрсдэлийн шинжээч нарыг бэлтгэж мэргэшүүлж үйл ажиллагааны бүхий л шатанд тогтвортой санхүүжилтийн зарчмуудыг хэрэгжүүлэхэд анхаарч ажилладаг. Тогтвортой хөгжлийн тайлан: https://www.tdbm.mn/mn/sustainable-development/togtvortoi-hogjliin-tailan БОНЗ тайлан: Монголын хөрөнгийн биржийн тайлагналын дагуу https://www.tdbm.mn/sites/default/files/2025-05/%D0%91%D0%9E%D0%9D%D0%97%202024%20final.pdf |
2 |
100 |
| 4 |
5.4. Компани нь комплайнсын хяналтын заавар
болон бүтэцтэй байх ба комплайнсын хяналтын хэрэгжилтийн үр дүн,
хараат бус байдалд ТУЗ хяналт тавина. |
Бүрэн хэрэгжүүлсэн
|
ТУЗ-ийн тогтоолоор батлагдсан банкны бүтэц, зохион байгуулалтын дагуу Гүйцэтгэх удирдлагын харъяанд Эрсдэлийн удирдлага хариуцсан Гүйцэтгэх захирлын орлогчийн удирдлага дор Комплайнсын хэлтэс ажилладаг. Комплайнсын хэлтэс нь Монгол улсын Мөнгө угаах терроризмыг санхүүжүүлэхтэй тэмцэх тухай хуулийг хэрэгжүүлэх хүрээнд болон олон улсын аудит ба зөвлөх үйлчилгээний байгууллага PriceWaterhouseCoopers (PWC)-ээс өгсөн зөвлөмжийн дагуу үйл ажиллагаанд Комплайнсын эрсдэлийн дүгнэлтийг гарган ажиллаж, ТУЗ-д улирал бүр үйл ажиллагаагаа тайлагнан ажилладаг ба ТУЗ нь Эрсдэлийн удирдлагын хороо болон Аудитын хороогоор дамжуулан хяналтыг тавьж, чиглэл өгч ажиллаж байна. Заавар журмандаа байнгын эргэн хяналтыг хийж хууль, журмын өөрчлөлтийг тухай бүр хийж ажиллаж банкны МУТС-тэй тэмцэх үйл ажиллагаатай холбоотой нийт 12 хөтөлбөр, бодлого, журмыг ТУЗ-өөр батлуулсан байна. Комплайнсын үйл ажиллагааны мэдээлэл: https://www.tdbm.mn/mn/about-tdbm/compliance |
2 |
100 |
|
ЗУРГАА. ЭРХ БҮХИЙ АЛБАН
ТУШААЛТНЫ ЦАЛИН УРАМШУУЛАЛ |
|
|
6 |
25 |
| 1 |
Эрх бүхий албан тушаалтны цалин, урамшууллын хэмжээ нь компанийн
алсын хараа, онцлогт тохирсон, шударга, ил тод байна.
|
6.1. ТУЗ-ийн гишүүний цалин, урамшууллын
хэмжээ, олгох хэлбэр, давтамжийг хувьцаа эзэмшигчдийн хурлаар ил тод
хэлэлцэж батална. |
Бүрэн хэрэгжүүлсэн
|
Төлөөлөн удирдах зөвлөлийн гишүүдийн зардлын хэмжээг жил бүрийн ХХБ-ны хувьцаа эзэмшигчдийн ээлжит хурлаар батлуулан ТУЗ-өөр баталсан хэмжээгээр цалин хөлсийг олгодог. |
2 |
100 |
| 2 |
6.2. Компани цалин, урамшууллын хэмжээг
тогтоох үндэслэл болсон ажил үүргийн бүрдэл хэсгүүд, ажлын
гүйцэтгэлийг үнэлэх шалгуурыг цалин, урамшууллын бодлогын баримтад
тусгана. |
Бүрэн хэрэгжүүлсэн
|
Банк нь 2021 онд “ Чадамжид суурилсан цалин хөлсний журам”-ыг баталсан ба энэхүү журмаар цалин хөлсний тогтолцоо буюу бодлогыг тодорхойлж, ажлын байрны зэрэглэл үнэлгээнд суурилсан цалингийн сүлжээ, урамшууллын нөхцөл, эдгээрийг хэрэгжүүлэх үйл ажиллагааны дүрэм журам, горим аргачлалыг баталсан болно. |
2 |
100 |
| 3 |
6.3. Компанийн жилийн үйл ажиллагааны тайланд
гүйцэтгэх удирдлагын үндсэн цалин, шагнал бусад урамшууллыг олгох
гүйцэтгэлийн шалгуурыг тусгана. |
Бүрэн хэрэгжүүлсэн
|
ТУЗ-ийн дэргэдэх Цалин, урамшууллын болон нэр дэвшүүлэх хорооны хуралд Гүйцэтгэх удирдлагын цалин, хөлс, хөдөлмөрийн гэрээний хугацаа дуусгавар болсон эсхүл дүгнэх шаардлага үүссэн тохиолдолд тайлан, гүйцэтгэлийг танилцуулан холбогдох арга хэмжээг авч ажилладаг. ЦУНДХ-ны журам: https://www.tdbm.mn/sites/default/files/ |
2 |
100 |
|
ДОЛОО. ОРОЛЦОГЧ
ТАЛУУДЫН ЭРХ АШИГ |
|
|
8 |
25 |
| 1 |
Компанийн үйл ажиллагаанд оролцогч талуудын эрх ашгийг хүндэлнэ.
|
7.1. Компани нь ТУЗ-өөс баталсан бусад
оролцогч талуудтай хамтран ажиллах, хамтран ажиллах талаар бодлогын
баримт бичигтэй байна. ТУЗ болон гүйцэтгэх удирдлага нь оролцогч
талуудын эрх ашгийг хүндэтгэн, тэдэнтэй хамтран ажиллах байгууллагын
соёлыг төлөвшүүлнэ. |
Бүрэн хэрэгжүүлсэн
|
ТУЗ-ийн 2023 оны 2-р сарын 17-ны 9 тоот тогтоолын Хавсралт 1-ээр “ХХБ-аас бусад оролцогч талуудтай харилцах, хамтран ажиллахад баримтлах бодлого”-ыг баталсан. Банк өөрийн ажилтан, зээлдүүлэгч, харилцагч, ханган нийлүүлэгч, Банкны үйл ажиллагаа явуулж буй орон нутгийн иргэд болон төрийн байгууллагуудтай харилцах, хамтран ажиллахад Банкнаас баримтлах бодлогыг тодорхойлох, бусад оролцогч талуудын оролцоог хүлээн зөвшөөрөх, тэдгээрийн эрх ашгийг хүндэтгэх хамтран ажиллах, Банкны соёлыг төлөвшүүлэхтэй холбоотой харилцааг зохицуулахыг зорьсон болно. ХХБ-аас бусад оролцогч талуудтай харилцах, хамтран ажиллахад баримтлах бодлого: https://www.tdbm.mn/sites/default/files/2024-09/ |
2 |
100 |
| 2 |
7.2. Компанийн жилийн үйл ажиллагааны тайланд
оролцогч талуудтай хамтран ажиллахдаа ямар асуудалд голчлон анхаарч,
ямар стратеги баримтлан хэрхэн хэрэгжүүлж ажилласан талаар тусгана.
|
Бүрэн хэрэгжүүлсэн
|
Банк нь оролцогч талуудтай хамтын ажиллагааны талаарх мэдээллийг жилийн тайлан болон бусад холбогдох тайлан мэдээнд ил тод тусгаж, Монголын хөрөнгийн биржийн цахим хуудас болон өөрийн албан ёсны цахим хаягаар тухай бүрт мэдээлэн ажиллаж байна. |
2 |
100 |
| 3 |
7.3. Оролцогч талуудтай хамтран ажиллах,
мэдээлэл солилцох, харилцах зорилгоор компанийн цахим хуудсыг үр
дүнтэйгээр ажиллуулна. |
Бүрэн хэрэгжүүлсэн
|
Банкны зах зээлд шинээр нэвтрүүлсэн, эсхүл өөрчлөгдөн шинэчлэгдсэн бүтээгдэхүүн, үйлчилгээний талаарх мэдээллийг тухайн бүтээгдхүүн үйлчилгээг хариуцаж буй газар, хэлтэс нь бусад оролцогч талуудад цахим хуудас, цахим шуудан болон бусад боломжтой арга хэлбэрээр хүргүүлж ажиллахаар үүрэгжүүлсэн. Тухайлбал: 2025 оны 6-р сарын 9-ний ГЗ-ын тушаалаар батлагдсан “Харилцагч, олон нийтэд зориулсан гадаад вебсайтыг хөтлөх журам”-д банкны тухай болон банкны бүтээгдхүүн үйлчилгээ, урамшуулал, цаг үеийн мэдээ мэдээлэл, банкны үйл ажиллагаа, санхүүгийн тайлан, засаглал, бүтэц зэргийг банкны харилцагч, хөрөнгө оруулагч, олон нийтэд хүргэх, хянах, архивлах газар нэгжүүдийг тодорхой болгон хариуцуулсан болно. |
2 |
100 |
| 4 |
7.4. Компанийн ажилтнуудын санал, хүсэлт,
гомдлыг хүлээн авч шийдвэрлэх дотоод журам, нийгмийн асуудлыг
шийдэх, мэргэжил дээшлүүлэх дотоод журам, ажлын төлөвлөгөөтэй байна.
|
Бүрэн хэрэгжүүлсэн
|
ХХБ-ны Шүгэл үлээх бодлого, ХХБ-ны Хөдөлмөрийн дотоод журам, ХХБ-ны Ёс зүйн дүрэм, ХХБ-ны соёлын стандартад заасны дагуу санал хүсэлтийг шийдвэрлэдэг. Хүний нөөцийн бодлого, Сургалт, хөгжлийн үйл ажиллагааны журам, карьер менежментийн бодлогыг батлан, хэрэгжүүлэн ажиллаж байна. Жил бүр сургалтын төлөвлөгөө гарган, зардлыг банкны төсөвт оруулан батлуулдаг төдийгүй ажилтнуудынхаа мэргэжлийн ур чадварыг дээшлүүлэх зорилгоор олон улсын мэргэшсэн эрх олгох сургалт, шалгалтад хувийн зардлаар амжилттай хамрагдсан ажилтнуудад төлбөрийн тодорхой хувийг буцаан олгох замаар тэдгээрийг сурч, хөгжихөд дэмжлэг үзүүлдэг. Түүнчлэн ХХБ-ны ажилтнуудын нийгмийн асуудлын хүрээнд хөнгөлөлттэй нөхцөлөөр ажилтнуудын орон сууцны зээл, цалингийн зээл болон харилцагч байгууллагаас хөнгөлөлт авах, уян хатан цагаар ажиллах зэрэг боломжуудыг олгон ажиллаж байна. |
2 |
100 |
|
НАЙМ. КОМПАНИЙН СОЁЛ
|
|
|
6 |
25 |
| 1 |
ТУЗ-ийн гишүүд компанид бизнесийн ёс зүйн өндөр хэм хэмжээг тогтоож,
өөрсдөө манлайлан гүйцэтгэх удирдлага, ажилтнуудад мөрдлөг болгоно.
|
8.1. Компанийн үнэт зүйлс, алсын харааг
оновчтой тодорхойлж, хууль ёсны, ёс зүйтэй, хариуцлагатай үйл
ажиллагаа явуулах зорилгоор ТУЗ нь ёс зүйн дүрмийг баталж, нийтэд
мэдээлж, хэрэгжилтэд нь хяналт тавина. |
Бүрэн хэрэгжүүлсэн
|
ТУЗ-өөс баталсан “ХХБ-ны Ёс зүйн дүрэм”-ийг ТУЗ-ийн гишүүд, Гүйцэтгэх удирдлага, бүх ажилтнууд мөрдөж шударга байдлыг дэмжин, байгууллагын үнэт зүйлс, ёс зүйн дүрэмд зөвшөөрөгдөх болон үл зөвшөөрөгдөх зан үйлийг тодорхойлсон. Ёс зүйн дүрмийн хэрэгжилтийг хангах үүднээс Ёс зүйн хороог байгуулсан ба уг хороо нь тус хорооны ажиллах журам, ХХБ-ны шүгэл үлээх бодлогын дагуу эсхүл бусад байдлаар ажилтан, харилцагч болон гуравдагч этгээдээс ирсэн мэдүүлгийг үндэслэн шалгах ажиллагааг явуулж, шийдвэрлэх үүрэгтэй. ХХБ-ны ёс зүйн дүрэм: https://www.tdbm.mn/sites/default/files/2024-09/ |
2 |
100 |
| 2 |
8.2. Аливаа хууль бус үйлдэл болон ёс зүйн
зөрчлийг ТУЗ, эсвэл түүний дэргэдэх холбогдох хороонд мэдээлэх
"шүгэл үлээгчийн" тогтолцоотой байна. |
Бүрэн хэрэгжүүлсэн
|
ХХБ-ны Ёс зүйн дүрэмд банкны ажилтны зүй бус үйлдлийг мэдээлэх асуудлыг тодорхой тусгаснаас гадна банкнаас “Шүгэл үлээх бодлого”-ыг баталж, шүгэл үлээх тохиолдол буюу зөрчил, үйлдэл, эс үйлдэхүйн жагсаалт, шүгэл үлээгчийн эрх, үүрэг, түүний хамгаалалт, мэдээллийн нууцлал, шалгах ажиллагаа, зөрчил шийдвэрлэх процесс, буруутгагдаж буй этгээдийн эрх, үүрэг, бодлогын хэрэгжилт тайлагналын талаар тусгасан байна. Хүний нөөцийн газрын зүгээс ажилтнуудад Ёс зүйн чиглэлээр тогтмол анхааруулга, зөвлөмж, мэдээлэл өгч ажилладаг төдийгүй ажилтнуудаас жил бүр бататгах, үнэлэх тестийн шалгалтад Ёс зүйн дүрмийн мэдлэгийг баталгаажуулах асуултыг оруулан мэдлэгийг бататгаж ажилладаг. |
2 |
100 |
| 3 |
8.3. Ёс зүйн дүрмээр авлига, албан тушаалын
гэмт хэргээс ангид байх болон улс төрийн үйл ажиллагааг дэмжих,
/дэмжихгүй байх/ хандив өргөх /өргөхгүй байх/ талаар зохицуулна.
|
Бүрэн хэрэгжүүлсэн
|
ТУЗ-ийн тогтоолоор баталсан Ёс зүйн дүрэм болон Гүйцэтгэх захирлын тушаалаар батлагдсан Авлигын эсрэг бодлогод авлига, хээл хахууль өгөх, авах, албан тушаалаа урвуулан ашигласан бол ёс зүйн зөрчил үйлдсэнд тооцохоор зааж, ажилтнуудын баримтлах зарчмыг дэлгэрэнгүй оруулж өгсөн. “ХХБ-аас улс төрийн нам, төрийн бусад байгууллагатай харилцах журам”-аар Банк болон банкны ажилтан улс төрийн үйл ажиллагаанд оролцох, төрийн байгууллагатай харилцахтай холбогдсон харилцааг зохицуулсан ба үүний дотор Банк нь улс төрийн аливаа бүлэг, нам эвсэл болон сонгуульд нэр дэвшигчид хандив өгөхгүй, улс төрийн аливаа үйл ажиллагаанд оролцохгүй байх зарчмыг баримтлахаар заасан. Харин ажилтан аливаа улс төрийн үйл ажиллагаанд оролцохдоо банкийг төлөөлөхгүй байна. |
2 |
100 |
|
ЕС. ХУВЬЦАА
ЭЗЭМШИГЧДИЙН ЭРХ |
|
|
10 |
25 |
| 1 |
Компани болон ТУЗ нь хувьцаа эзэмшигчдийн эрхийг хүндэтгэн тэгш
хандаж, мэдээлэл авах болон эрхээ хэрэгжүүлэх бололцоогоор бүрэн
хангана.
|
9.1. Компани оролцогч талуудад өөрийн үйл
ажиллагаа, санхүүгийн байдал, засаглалын бүтэц, зохион байгуулалт,
гүйцэтгэлийн үр дүнгийн талаарх мэдээллийг цахим хуудсаараа тухай
бүр хүргэнэ. |
Бүрэн хэрэгжүүлсэн
|
Банкны цахим албан ёсны хуудсанд хөрөнгө оруулагч болон бусад оролцогч талуудад зориулан Компаний тухай хууль, Банкны тухай хууль болон зохицуулагч байгууллагуудын журам, зааврын дагуу олон нийтэд хүргэхээр үүрэг хүлээсэн мэдээллийг тухай бүр нь цахим хуудас болон бусад хэрэгслээр дамжуулан хүргэж байгаа ба цахим хуудасны хөрөнгө оруулагчдад гэсэн хэсгээс банкны бизнес, ажил үйлчилгээний талаархи шинэ соргог мэдээлэл, банкны бүтэц, зохион байгуулалт, хувьцаа эзэмшигчдийн хуралтай холбоотой материал, ТУЗ-ийн хараат бус гишүүний тайлан, санхүүгийн тайлан, БОНЗ-ын буюу Тогтвортой хөгжлийн тайлан зэргийг харах боломжтой. Хөрөнгө оруулагч нарт зориулсан мэдээлэл: https://www.tdbm.mn/mn/investment/huvitsaa-ezemshigchid Монголын хөрөнгийн бирж мэдээлэл: https://mse.mn/mn/company/567 Санхүүгийн тайлан мэдээлэл: https://www.tdbm.mn/mn/about-tdbm/financial-information/sanhuugiin-auditlagdsan-tailan |
2 |
100 |
| 2 |
9.2. Компани хөрөнгө оруулагчидтай харилцах
хөтөлбөртэй байх ба тэдэнтэй харилцах, мэдээлэл солилцох цахим
сувгийг хөгжүүлнэ. |
Бүрэн хэрэгжүүлсэн
|
ТУЗ-ийн 2023 оны 2-р сарын 17-ны өдрийн 9 тоот тогтоолоор “Хөрөнгө оруулагчтай харилцах хөтөлбөр”-ийг баталсан. Уг хөтөлбөрөөр хөрөнгө оруулагчдын оролцоог эрх тэгш хангах, тэдгээртэй харилцах, мэдээллийг цахим сувгаар солилцохтой холбогдох харилцааг зохицуулахыг зорьсон болно. Хөрөнгө оруулагчтай харилцах хөтөлбөр: https://www.tdbm.mn/sites/default/files/2024-09/ |
2 |
100 |
| 3 |
9.3. Компани хувьцаа эзэмшигчийн хувьцаа
эзэмшигчдийн хуралд оролцох, санал гаргах, санал өгөх, мэдээлэл авах
зэрэг хууль ёсны эрхээ хэрэгжүүлэх бололцоо, нөхцөлийг бүрдүүлнэ.
|
Бүрэн хэрэгжүүлсэн
|
ХХБ-ны хувьцаа эзэмшигчид Компанийн тухай хууль, Банкны тухай хууль, “ХХБ ХК-ийн дүрэм”-д заасан бүрэн эрхийг эдэлж, Хувьцаа эзэмшигчдийн хуралд идэвхтэй оролцож, хэлэлцэж буй асуудлуудад олгогдсон эрхийнхээ дагуу саналаа өгөх замаар банкны удирдлагын үйл ажиллагаанд оролцдог. Хууль, журмын дагуу тухайн оны Хувьцаа эзэмшигчдийн ээлжит хурлыг зарлан хуралдуулж, ХЭ-ийн хуралд зориулсан тухайлсан цахим хуудсыг ажиллуулж зайнаас оролцох, саналаа өгөх, гарсан шийдвэртэй танилцах боломжоор ханган ажиллаж байна. Хувьцаа эзэмшигчийн хурлын цахим хуудас: https://investor.tdbm.mn/ |
2 |
100 |
| 4 |
9.4. Компанийн үйл ажиллагааны чиглэл,
өмчлөлийн бүтцийн асуудлаар хувьцаа эзэмшигчдээс санал өгөх эрхээ
хэрэгжүүлэхэд нь онцгойлон анхаарна. |
Бүрэн хэрэгжүүлсэн
|
Тус банкны хувьцаа эзэмшигчид нь “Компанийн тухай хууль”, “ХХБ-ны дүрэм”-д заасан Хувьцаа эзэмшигчдийн бүрэн эрхийг эдэлж, Хувьцаа эзэмшигчдийн хуралд оролцож, хөндөгдөж буй асуудлуудад олгогдсон эрхийнхээ дагуу саналаа өгөх замаар банкны удирдлагын үйл ажиллагаанд оролцох боломжтой. Банкны дүрмийн 7-р буюу “Хувьцаа эзэмшигчдийн хурал” бүлэгт ХЭ-ийн оролцооны талаар тодорхой тусгасан. Дүрмийн 7.2.12 дахь заалтад нэмж хувьцаа гаргах тохиолдолд одоогийн хувьцаа эзэмшигчдийн эрхийн талаархи зохицуулалтыг тусгасан. ХХБ-ны дүрэм: https://www.tdbm.mn/sites/default/files/2024-09/ ХХБ-ны ХЭ-ийн хурлын зар хүргэх журам: https://www.tdbm.mn/sites/default/files/2024-09/ |
2 |
100 |
| 5 |
9.5. Компани болон хувьцаа эзэмшигчдийн ашиг
сонирхол зөрчигдөхөөс сэргийлэх зорилгоор сонирхлын зөрчилтэй хэлцэл
хийх журамтай байх ба хэрэгжилтийг нийтэд мэдээлнэ. |
Бүрэн хэрэгжүүлсэн
|
ТУЗ-ийн тогтоолоор “ХХБ-ны сонирхлын зөрчилтэй болон их хэмжээний хэлцэл хийх журам”, Гүйцэтгэх захирлын тушаалаар “Их хэмжээний болон сонирхлын зөрчилтэй хэлэлцэл хийх заавар”-ыг баталсан заавр журмуудыг үйл ажиллагаандаа мөрдөж ажилладаг. Банкны албан ёсны болон арилжаа эрхлэх байгууллагын цахим хаягаар дамжуулан Сонирхлын зөрчилтэй хэлцлийн мэдээллийг СЗХ-ны Үнэт цаасны бүртгэлийн журамд заасан маягтын дагуу хагас жил тутамд үйл ажиллагааны тайланд, мөн тухай бүр мэдээллэх заалтын дагуу олон нийтэд мэдээллэн ажиллаж байна. Сонирхлын зөрчилтэй хэлцэл: https://open.mse.mn/securities/567 https://www.tdbm.mn/mn/khorongo-oruulagchdad |
2 |
100 |
|
НЭГДСЭН ДҮН |
|
71 |
|
|
Дундаж хувь |
|
98.67 |
|