|
|
|
Хэрэгжилт |
Тайлбар |
Компанийн өөрийн үнэлгээ |
Хувь |
|
НЭГ. ТУЗ-ИЙН БҮТЭЦ,
ЗОХИОН БАЙГУУЛАЛТ НИЙТ |
|
|
12 |
25 |
| 1 |
ТУЗ нь олон талт ур чадвар, мэдлэг, туршлага, хараат бус байдал
зэргийг зохистойгоор хангасан, алсын хараатай, бүтээлч, үр дүнтэй
бүтэц байна
|
1.1. Компани нь ТУЗ-ийн үйл ажиллагааны
журмаар ТУЗ-ийн дарга, гишүүд, нарийн бичгийн даргын чиг үүрэг,
хариуцлагыг нарийвчлан зохицуулна. |
Бүрэн хэрэгжүүлсэн
|
Компанийн ТУЗ-ийн үйл ажиллагааны журамд ТУЗ-ийн дарга, гишүүд, нарийн бичгийн даргын чиг үүрэг, хариуцлагыг нарийвчлан тусгасан бөгөөд компанийн цахим хуудсанд олон нийтэд нээлттэй байршсан болно.
ТУЗ-ийн гишүүдийн эрх, үүргийг журмын 6 дугаар бүлэгт, ТУЗ-ийн даргын эрх, үүргийг журмын 7 дугаар бүлэгт, ТУЗ-ийн нарийн бичгийн даргын эрх, үүргийг журмын 8 дугаар бүлэг, хариуцлагатай холбоотой зохицуулалтыг журмын 11 дүгээр бүлэгт тус тус зохицуулсан. |
2 |
100 |
| 2 |
1.2. Компани нь ТУЗ-ийн гишүүнийг сонгон
шалгаруулах, томилох асуудлыг тусгасан нэр дэвшүүлэх журам, залгамж
халааны бодлогын баримттай байна. |
Бүрэн хэрэгжүүлсэн
|
Компани нь ТУЗ-өөс баталсан ТУЗ-ийн дэргэдэх Нэр дэвшүүлэх хорооны журам болон Залгамж халааны бодлогыг тус тус үйл ажиллагаандаа мөрддөг. ТУЗ-ийн дэргэдэх Нэр дэвшүүлэх хорооны журмаар ТУЗ-ийн гишүүнийг нэр дэвшиж буй этгээдэд тавигдах шаардлага, ТУЗ-ийн гишүүнийг сонгох, түүнчлэн улируулан томилохтой холбоотой асуудлыг зохицуулсан. Харин Залгамж халааны бодлогоор Компанийн эрх бүхий албан тушаалтнуудын залгамж халааны төлөвлөгөө, албан тушаалаасаа чөлөөлөгдсөн тохиолдолд авах арга хэмжээний талаар нарийвчлан зохицуулж, компанийн цахим хуудсанд олон нийтэд нээлттэй байршсан болно. |
2 |
100 |
| 3 |
1.3. ТУЗ-ийн гишүүн бүрийн ажлын туршлага,
ажилласан хугацаа, хараат бус байдал, хувьцааны эзэмшлийн хувь
хэмжээ, хуралдаанд оролцсон ирц зэрэг мэдээллийг жилийн үйл
ажиллагааны тайланд дэлгэрэнгүйгээр тусгаж, цахим хуудсандаа
байршуулна. |
Бүрэн хэрэгжүүлсэн
|
Компанийн 2025 оны жилийн үйл ажиллагааны тайланд ТУЗ-ийн гишүүд, нарийн бичгийн даргын үйл ажиллагааны тайлан, хараат бус байдал, хувьцааны эзэмшлийн хэмжээг тусгаж, компанийн цахим хуудсанд нээлттэй байршуулсан болно.
Түүнчлэн 2025 оны Хувьцаа эзэмшигчдийн ээлжит хурлаар Төлөөлөн удирдах зөвлөлийн гишүүний бүрэлдэхүүнийг шинэчлэн томилж, хурлын материал, тайланд ТУЗ-ийн гишүүдийн ажлын туршлага, боловсролын талаарх мэдээллийг дэлгэрэнгүй тусгаж, компанийн цахим хуудсанд нээлттэй байршуулсан болно.
2025 оны ТУЗ-ийн дарга болон гишүүдийн ажлын гүйцэтгэлийн үнэлгээг баталгаажуулан хавсаргав. |
2 |
100 |
| 4 |
1.4. Компани нь ТУЗ болон түүний дэргэдэх
хороодын бүтэц, бүрэлдэхүүний бодлогын баримттай байх ба уг баримт
бичигт гишүүний боловсрол, мэргэшил, ур чадвар, туршлагад тавигдах
шаардлага болон хүйсийн тэнцвэрт байдал зэргийг тусгана. |
Бүрэн хэрэгжүүлсэн
|
Компани нь ТУЗ-ийн үйл ажиллагааны болон түүний дэргэдэх 5 хороодын үйл ажиллагааг нарийвчлан зохицуулсан тус бүрийн журамтай бөгөөд компанийн цахим хуудсанд нээлттэй байршуулсан. Үүнд:
- ТУЗ-ийн үйл ажиллагааны журам
- ТУЗ-ийн дэргэдэх Аудитын хорооны журам
- ТУЗ-ийн дэргэдэх Нэр дэвшүүлэх хорооны журам
- ТУЗ-ийн дэргэдэх Цалин урамшууллын хорооны журам
- ТУЗ-ийн дэргэдэх Эрсдэлийн удирдлагын хорооны журам
- ТУЗ-ийн дэргэдэх Тогтвортой байдлын хорооны журам
Мөн ТУЗ-ийн дэргэдэх Нэр дэвшүүлэх хорооны журмын 7 дугаар бүлэгт ТУЗ-ийн гишүүнд тавигдах шаардлага, нэр дэвшиж байгаа этгээдийн боловсрол, мэргэжил, туршлага, ур чадварт тавигдах шаардлага болон жендерийн тэнцвэртэй байдлыг хангах талаар нарийвчлан тусгасан.
Бодлогын баримт бичиг нь тухайн үйл ажиллагаанд хамаарах зарчмыг тодорхойлох үндсэн баримт бичиг бөгөөд журам үүнд хамаарах тул ТУЗ-ийн болон түүний дэргэдэх хороодын үйл ажиллагааны журам нь энэ зүйлд заасан бодлогын баримт бичгийг орлоно. |
2 |
100 |
| 5 |
1.5. ТУЗ-ийн гишүүнийг анх томилогдоход
чиглүүлэх сургалтыг зохион байгуулах ба ажил үүргээ гүйцэтгэхэд
шаардлагатай ур чадвар, мэдлэг, мэдээллийг олгох, тэдгээрийг
шинэчлэх сургалтад тогтмол хамруулна. |
Бүрэн хэрэгжүүлсэн
|
ТУЗ-ийн гишүүдийн 2026 оны сургалтын төлөвлөгөөний хэрэгжилтийг хавсаргав. |
2 |
100 |
| 6 |
1.6. ТУЗ-ийн нарийн бичгийн дарга нь ТУЗ-ийн
үйл ажиллагааг зохистой явуулах асуудлаар ТУЗ-ийн даргаар дамжуулан
хариуцлага хүлээнэ. |
Бүрэн хэрэгжүүлсэн
|
ТУЗ-ийн үйл ажиллагааны журамд ТУЗ-ийн нарийн бичгийн даргын үүрэг, хариуцлагыг нарийвчлан тусгасан бөгөөд ТУЗ-ийн нарийн бичгийн даргын үйл ажиллагаанд ТУЗ-ийн дарга хяналт тавьж ажилладаг. |
2 |
100 |
|
ХОЁР. ТУЗ-ИЙН ДЭРГЭДЭХ
ХОРООД, ТЭДГЭЭРИЙН ЧИГ ҮҮРЭГ НИЙТ ОНОО |
|
|
10 |
25 |
| 1 |
ТУЗ нь өөрийн үйл ажиллагааг тодорхой чиг үүрэг хариуцсан өөрийн
дэргэдэх хороодоор дамжуулан хэрэгжүүлж, эцсийн хариуцлагыг хүлээнэ.
|
2.1. ТУЗ-ийн дарга болоод ТУЗ-ийн гишүүдийн
олонх нь хараат бус гишүүн байхыг зорино. |
Бүрэн хэрэгжүүлсэн
|
Компанийн дүрмийн 9.1 дэх хэсэгт зааснаар ТУЗ нь нийт 9 гишүүнтэй бөгөөд тэдгээрийн 3 нь хараат бус гишүүн байдаг нь Компанийн тухай хуулийн 75.4 дэх хэсэгт нийцэн ажилладаг.
ТУЗ-ийн бүрэлдэхүүнд нийт гишүүдийн олонх нь хараат бус гишүүн байхыг зорихоор ТУЗ-ийн дэргэдэх Нэр дэвшүүлэх хорооны журмын 7.3 дахь хэсэгт нэмэлт өөрчлөлт оруулан тусгасан болно. |
2 |
100 |
| 2 |
2.2. ТУЗ-ийн дэргэдэх аудитын хороо нь үйл
ажиллагааны журам аудитын бодлогын баримт бичигтэй байна. Аудитын
хорооны дарга нь ТУЗ-ийн дарга бус байна. Аудитын хорооны хуралд
компанийн гүйцэтгэх удирдлага болон ажилтнууд гагцхүү тус хорооны
хүсэлтээр оролцоно. |
Бүрэн хэрэгжүүлсэн
|
ТУЗ-ийн дэргэдэх Аудитын хороо нь үйл ажиллагааны журмын 2.4 дэх хэсэгт Гүйцэтгэх захирал Аудитын хорооны гишүүн байхыг хориглож, мөн журмын 2.3 дахь хэсэгт Аудитын хорооны даргаар ТУЗ-ийн хараат бус гишүүнийг томилохоор заасан. Компани нь тус хязгаарлалтуудыг мөрдөн ажиллаж байна.
Мөн журмын 4.6 дахь хэсэгт Аудитын хорооны хуралд хорооны гишүүдээс өөр этгээд оролцох эрхгүй бөгөөд Компанийн Гүйцэтгэх захирал болон бусад ажилтнууд хорооны урилгаар хуралд оролцдог.
Бодлогын баримт бичиг гэдэгт нь тухайн үйл ажиллагаанд хамаарах зарчмыг тодорхойлох үндсэн баримт бичиг бөгөөд журам үүнд хамаарах тул ТУЗ-ийн дэргэдэх Аудитын хорооны журам нь энэ зүйлд заасан бодлогын баримт бичиг болно.
ТУЗ-ийн 2025 оны 05 дугаар сарын 15-ны өдрийн №25/30 тоот тогтоолоор ТУЗ-ийн дэргэдэх хороодын гишүүдийг томилсон.
ТУЗ-ийн дэргэдэх Аудитын хорооны 2025 оны жилийн үйл ажиллагааны тайлан нь ТУЗ-ийн үйл ажиллагааны тайлан хэлбэрээр 2025 оны үйл ажиллагааны тайлангийн 28-р хуудас дээр нийтлэгдсэн болно. |
2 |
100 |
| 3 |
2.3. ТУЗ-ийн дэргэдэх цалин урамшууллын хороо
нь цалин, урамшууллын үйл ажиллагааны журам, цалин урамшууллын
бодлогын баримт бичигтэй байна. Цалин урамшууллын хорооны дарга нь
ТУЗ-ийн дарга бус, мөн хараат бус гишүүн байна. Цалин урамшууллын
хорооны хуралд гүйцэтгэх удирдлага гагцхүү хорооны хүсэлтээр
оролцоно. |
Бүрэн хэрэгжүүлсэн
|
ТУЗ-ийн дэргэдэх Цалин урамшууллын хорооны үйл ажиллагааны журмын 2.2 дахь хэсэгт хорооны даргаар ТУЗ-ийн хараат бус гишүүн байхыг тодорхойлж, ТУЗ-ийн дарга нь хорооны даргаар ажиллахыг хориглосон.
Журмын 4.6 дахь хэсэгт Цалин урамшууллын хорооны хуралд хорооны гишүүдээс өөр этгээд оролцох эрхгүй бөгөөд компанийн гүйцэтгэх захирал болон бусад этгээд урилгаар оролцдог.
ТУЗ-ийн 2025 оны 05 дугаар сарын 15-ны өдрийн №25/30 тоот тогтоолоор ТУЗ-ийн дэргэдэх хороодын гишүүдийг томилсон.
ТУЗ-ийн дэргэдэх Цалин урамшууллын хорооны 2025 оны жилийн үйл ажиллагааны тайлан нь ТУЗ-ийн үйл ажиллагааны тайлан хэлбэрээр 2025 оны үйл ажиллагааны тайлангийн 28-р хуудас дээр нийтлэгдсэн болно. |
2 |
100 |
| 4 |
2.4. ТУЗ-ийн дэргэдэх нэр дэвшүүлэх хороо нь
үйл ажиллагааны журам, залгамж халааны бодлогын баримт бичигтэй
байна. Нэр дэвшүүлэх хорооны дарга нь ТУЗ-ийн дарга бус, мөн хараат
бус гишүүн байна. |
Бүрэн хэрэгжүүлсэн
|
Компани нь ТУЗ-ийн дэргэдэх нэр дэвшүүлэх хорооны журам болон Залгамж халааны бодлогын баримт бичигтэй бөгөөд компанийн цахим хуудсанд нээлттэй байршуулсан болно.
Нэр дэвшүүлэх хорооны журмын 2.2 дахь хэсэгт хорооны даргаар ТУЗ-ийн хараат бус гишүүн байхыг тодорхойлж, ТУЗ-ийн дарга нь хорооны даргаар ажиллахыг хориглосон.
ТУЗ-ийн 2025 оны 05 дугаар сарын 15-ны өдрийн №25/30 тоот тогтоолоор ТУЗ-ийн дэргэдэх хороодын гишүүдийг томилсон. |
2 |
100 |
| 5 |
2.5. ТУЗ нь өөрийн дэргэд бусад чиг үүрэг
бүхий байнгын болон түр хороог байгуулж болно. ТУЗ-ийн дэргэдэх
хороод бүгд үйл ажиллагааны журам, заавартай, чиг үүргээ
хэрэгжүүлэхэд шаардлагатай мэдлэг, ур чадвар, ажлын туршлага бүхий
бүрэлдэхүүнтэй байна. |
Бүрэн хэрэгжүүлсэн
|
Компани нь заавал байх чиг үүргийн хороодоос гадна Төлөөлөн удирдах зөвлөлийн 2024 оны 02 дугаар сарын 16-ны өдрийн 12 тоот тогтоолоор Тогтвортой байдлын байнгын хороог байгуулсан.
Компани нь ТУЗ-ийн дэргэдэх нийт 5 байнгын хороотой ажиллаж байна.
ТУЗ-ийн 2025 оны 05 дугаар сарын 15-ны өдрийн №25/30 тоот тогтоолоор ТУЗ-ийн дэргэдэх хороодын гишүүдийг томилсон. Хорооны гишүүдийг томилохдоо хорооны үйл ажиллагааны чиглэл онцлогт тохирсон ажлын туршлага, мэдлэг, ур чадвартай гишүүдийг томилж, хараат бус байдлын шалгуурыг хангасан болно.
ТУЗ-ийн дэргэдэх Тогтвортой байдлын хорооны 2025 оны жилийн үйл ажиллагааны тайлан нь ТУЗ-ийн үйл ажиллагааны тайлан хэлбэрээр 2025 оны үйл ажиллагааны тайлангийн 28-р хуудас дээр нийтлэгдсэн болно. |
2 |
100 |
|
ГУРАВ. ТАЙЛАГНАЛ,
МЭДЭЭЛЛИЙН ИЛ ТОД БАЙДАЛ |
|
|
6 |
25 |
| 1 |
ТУЗ нь өөрийн үйл ажиллагааг тодорхой чиг үүрэг хариуцсан өөрийн
дэргэдэх хороодоор дамжуулан хэрэгжүүлж, эцсийн хариуцлагыг хүлээнэ.
|
3.1. ТУЗ нь компанийн мэдээллийн ил тод
байдал, тайлагналын журмыг баталж, хэрэгжилтэд нь хяналт тавина.
|
Бүрэн хэрэгжүүлсэн
|
ТУЗ-ийн 2022 оны 10 сарын 07-ны өдрийн №35 тоот тогтоолоор баталсан Мэдээллийн ил тод байдал, тайлагналын журам болон Гүйцэтгэх захирлын 2025 оны 06 сарын 18-ны өдрийн А/78 тоот тушаалаар баталсан Тайлан боловсруулах, хянах, илгээх үйл ажиллагааны журмын дагуу компанийн тайлангал, ил тод байдлын зарчмыг процессжуулан хэрэгжүүлж байна. |
2 |
100 |
| 2 |
3.2. ТУЗ нь энэхүү кодекст заасан засаглалын
баримт бичиг, дүрэм, журам, зааврыг цахим хуудсаараа дамжуулан олон
нийтэд хүргэнэ. |
Бүрэн хэрэгжүүлсэн
|
Компанийн цахим хуудсанд байрлах Хөрөнгө оруулагч цэсний Компанийн засаглал хэсэгт дүрэм, журам-д Компанийн засаглалын баримт бичиг, бодлого, журмууд нээлттэй байршиж байна.
Тухайн мэдээлэлд орсон өөрчлөлт бүрийг тухай шинэчлэх үүргийг компанийн Мэдээллийн ил тод байдал, тайлагналын журмаар зохицуулж байна. |
2 |
100 |
| 3 |
3.3. Санхүүгийн болон санхүүгийн бус
тайлагнал нь тэнцвэртэй, тодорхой, бодит байна. Санхүүгийн бус
тайлан нь хүрээлэн буй орчин, нийгэм, эдийн засгийн хүрээнд
компанийн тогтвортой үйл ажиллагаанд нөлөөлж болзошгүй хүчин зүйлс,
эрсдэл, компанийн үйл ажиллагааны зорилго, зорилтууддаа хүрсэн
эсэхийг үнэлсэн мэдээлэл байна. |
Бүрэн хэрэгжүүлсэн
|
Компани нь санхүүгийн бүртгэл, тайлагналын ажиллагаагаа олон улсын стандарт, дотоодын хууль тогтоомжид заасны дагуу зохион байгуулдаг тул санхүүгийн тайлан нь тэнцвэртэй, тодорхой, бодит байх шаардлагыг хангасан.
Компанийн үйл ажиллагаа нь байгаль орчин, нийгэмд эерэг нөлөө бүхий үйл ажиллагааг дэмжин ажиллахыг эрмэлзэж, ТУЗ-ийн дэргэдэх Тогтвортой байдлын хороотой ажиллаж байна. Компани нь ТУЗ-өөс батлагдсан Байгаль орчин, нийгмийн хариуцлагын бодлогыг хэрэгжүүлж, уг бодлогын хүрээнд хийж гүйцэтгэсэн байгаль орчинд чиглэсэн ажлуудыг үйл ажиллагааны тайлан болон жил бүрийн Байгаль орчин, нийгэм засаглалын тайланд тусгаж, цахим хуудсаараа олон нийтэд нээлттэй мэдээлдэг. |
2 |
100 |
|
ДӨРӨВ. АУДИТ, ХЯНАЛТЫН
ТОГТОЛЦОО |
|
|
6 |
25 |
| 1 |
ТУЗ нь аудит, хяналтын тогтолцооны хараат бус, үр дүнтэй байдлыг
хангана.
|
4.1. ТУЗ нь аудитын хорооны үйл ажиллагааны
журамд хөндлөнгийн аудитортой харьцах, түүнийг хуульд заасан чиг
үүргээ саадгүй гүйцэтгэх нөхцөл боломжоор хангах талаар тусгаж,
хэрэгжилтэд нь хяналт тавина. |
Бүрэн хэрэгжүүлсэн
|
ТУЗ-ийн дэргэдэх Аудитын хорооны үйл ажиллагааны журмын 7 дугаар бүлэгт хөндлөнгийн аудитортай харьцах, хуульд заасан чиг үүргээ хэрэгжүүлэх боломжоор хангах талаарх харилцааг нарийвчлан тусгасан.
Хөндлөнгийн аудитыг сонгох, явцын тайлантай танилцах, үүрэг даалгавар хүлээн авах, жилийн эцсийн санхүүгийн тайланд хийж гүйцэтгэсэн хөндлөнгийн аудитын тайланг дүгнэхтэй холбоотой чиг үүргийг Аудитын хороо хэрэгжүүлж байна.
Аудитын хорооны үйл ажиллагааны журмын 8 дугаар бүлэгт зааснаар Хорооны нарийн бичгийн дарга нь хорооны хурлын тэмдэглэлийг ТУЗ-ийн бүх гишүүн, аудит болон Гүйцэтгэх удирдлагад хүргүүлнэ. Аудитын хороо нь ТУЗ-ийн ээлжит хурлаар хийсэн ажлаа ТУЗ-д тайлагнана хэмээн тодорхойлсон. |
2 |
100 |
| 2 |
4.2. Хөндлөнгийн аудитор нь хувьцаа
эзэмшигчдийн ээлжит хуралд оролцож, аудиттай холбоотой асуудлаар
хувьцаа эзэмшигчдэд мэдээлэл өгдөг байна. |
Бүрэн хэрэгжүүлсэн
|
Компанийн засаглалын Кодексыг хэрэгжүүлж эхэлснээс хойш Хувьцаа эзэмшигчдийн хуралд хөндлөнгийн аудиторыг жилийн эцсийн санхүүгийн тайланд хийж гүйцэтгэсэн аудитын тайлан, дүгнэлтийн талаар мэдээлэл өгөх зорилгоор оролцуулж эхэлсэн. 2026 оны 04 дүгээр сарын 29-ний өдрийн Хувьцаа эзэмшигчдийн ээлжит хуралд “Эрнст энд Янг Монголия Аудит” ХХК-ийн төлөөлөл, удирдлагаас оролцож, хувьцаа эзэмшигчдэд мэдээлэл өгч, асуулт хариултын үе шатанд оролцсон болно.
2025 оны жилийн эцсийн санхүүгийн тайланд “Эрнст энд Янг Монголия Аудит” ХХК хөндлөнгийн аудитын үйлчилгээ үзүүлж, аудитлагдсан санхүүгийн тайлан, дүгнэлтийг СЗХ болон МХБ-д тус тус бичгээр хүргүүлж, Компанийн албан ёсны цахим хуудас болон МХБ-ын цахим хуудсанд байршуулсан. |
2 |
100 |
| 3 |
4.3. Дотоод аудитын тогтолцоо, түүний бүтэц,
зохион байгуулалт, чиг үүрэг, тэдгээрт орсон өөрчлөлтийн талаарх
мэдээллийг компанийн үйл ажиллагааны тайлан болон цахим хуудсаар
дамжуулан нийтэд мэдээлж, тус хорооны хурлын ирц, хуралдсан асуудал,
давтамжийн талаар тогтмол тайлагнана. |
Бүрэн хэрэгжүүлсэн
|
Дотоод аудитын тогтолцоо, бүтэц, зохион байгуулалт, чиг үүрэг, гүйцэтгэсэн онцлох ажлуудын талаарх мэдээллийг 2025 оны жилийн үйл ажиллагааны тайлангийн 19-р хуудсанд тусгаж, цахим хуудсанд байршуулсан.
ТУЗ-ийн дэргэдэх Аудитын хорооны үйл ажиллагааны журам, хорооны гишүүд болон Дотоод аудитын газрын бүтцийн талаарх мэдээллийг цахим хуудсандаа нээлттэй ил тод байршуулсан. |
2 |
100 |
|
ТАВ. ЭРСДЭЛИЙН
УДИРДЛАГА |
|
|
8 |
25 |
| 1 |
ТУЗ нь эрсдэлийн удирдлага болон комплайнсын хяналтыг зохистой
байдлаар, хараат бусаар зохион байгуулж, тэдгээрийн үр дүнтэй
байдалд тогтмол хяналт тавина.
|
5.1. Компани нь эрсдэлийн удирдлагын заавар
болон бүтэцтэй байх ба эрсдэлийн удирдлагын үйл ажиллагааны үр дүн,
хараат бус байдалд ТУЗ хяналт тавина. |
Бүрэн хэрэгжүүлсэн
|
Компани нь ТУЗ-ийн дэргэдэх Эрсдэлийн удирдлагын хорооны үйл ажиллагааны журмаас гадна ТУЗ-ийн 2024 оны 02 дугаар сарын 16-ны өдрийн 11 тоот тогтоолоор батлагдсан Эрсдэлийн удирдлагын бодлогыг баримтлан ажилладаг.
Уг бодлогын 7.2 дахь хэсэгт зааснаар Компанийн Эрсдэлийн тайланг улирал бүр ТУЗ-ийн Эрсдэлийн удирдлагын хороонд танилцуулан, дүгнэлт гаргуулж, ТУЗ-ийн дэргэдэх Эрсдэлийн удирдлагын хороо нь ТУЗ-д танилцуулан батлуулахаар зохицуулсан.
ТУЗ-ийн Эрсдэлийн удирдлагын хороо нь байгууллагын эрсдэлийн удирдлагын тогтолцоонд өндөр түвшний чиглүүлэг хяналт хийхээс гадна, Эрсдэлийн удирдлагын тогтолцооны Хамгаалалтын 3 бүсийн зарчмын дагуу байгууллагын Дотоод аудитын газар нь эрсдэлийн удирдлагын тогтолцооны үр дүнтэй байдлыг хараат бусаар үнэлж ТУЗ-д тайлагнадаг. |
2 |
100 |
| 2 |
5.2. ТУЗ нь дэргэдээ эрсдэлийн удирдлага
хариуцсан хороотой байхыг зорих ба уг хороо нь гурваас доошгүй тооны
гишүүнтэй, дарга болон гишүүдийн олонх нь хараат бус гишүүн байна.
Эрсдэлийн хорооны үйл ажиллагааны журам, бүтэц, бүрэлдэхүүнийг
компанийн жилийн үйл ажиллагааны тайлан болон цахим хуудсаар
дамжуулан нийтэд мэдээлж, тус хорооны хурлын ирц, хуралдсан асуудал,
давтамжийн талаар тогтмол тайлагнана. |
Бүрэн хэрэгжүүлсэн
|
ТУЗ-ийн дэргэдэх Эрсдэлийн удирдлагын хорооны гишүүдийн бүрэн эрхийг ТУЗ-ийн 2025 оны 05 дүгээр сарын 15-ны өдрийн № 25/30 тоот тогтоолоор сунгасан. Хорооны гишүүдийг томилохдоо хорооны үйл ажиллагааны чиглэл онцлогт тохирсон ажлын туршлага, мэдлэг, ур чадвартай гишүүдийг томилж, хараат бус байдлын шалгуурыг хангасан болно.
ТУЗ-ийн дэргэдэх Эрсдэлийн удирдлагын хорооны үйл ажиллагааны журам, бүтэц, бүрэлдэхүүнийг байгууллагын цахим хуудсанд байршуулсан байдаг.
Компанийн цахим хуудас болон МХБ-д нээлттэй байршуулсан 2025 оны үйл ажиллагааны тайланд ТУЗ-ийн Эрсдэлийн удирдлагын хорооны гишүүдийн танилцуулгыг тусгасан. |
2 |
100 |
| 3 |
5.3. Компанийн үйл ажиллагаанд байгаль орчин,
нийгмийн хариуцлага, эрүүл мэнд, аюулгүй байдлын эрсдэл байгаа
эсэхийг үнэлэн нийтэд мэдээлж, тэдгээр эрсдэлийг хэрхэн удирдаж
буйгаа тайлбарлана. |
Бүрэн хэрэгжүүлсэн
|
ТУЗ-өөс баталсан “Байгаль орчин, нийгмийн бодлого”-ын хүрээнд компанийн үйл ажиллагаа нь байгаль орчин, нийгмийн хариуцлага, эрүүл мэнд, аюулгүй байдлын эрсдэл байгаа эсэхийг үнэлж, Компанийн цахим хуудас болон Монголын хөрөнгийн биржийн цахим хуудсанд 2022 оноос хойш Байгаль орчин, нийгэм, засаглалын үйл ажиллагааны тайланг байршуулж байна. |
2 |
100 |
| 4 |
5.4. Компани нь комплайнсын хяналтын заавар
болон бүтэцтэй байх ба комплайнсын хяналтын хэрэгжилтийн үр дүн,
хараат бус байдалд ТУЗ хяналт тавина. |
Бүрэн хэрэгжүүлсэн
|
Компани нь комплайнсын хяналтыг хэрэгжүүлэх ерөнхий зарчмыг ТУЗ-өөс баталсан Эрсдэлийн удирдлагын бодлогоор тодорхойлсон. Бодлогын хүрээнд хянан нийцүүлэлт буюу байгууллагын үйл ажиллагааг холбогдох хууль тогтоомжид нийцүүлэх чиг үүрэгтэй этгээдээр хамгаалалтын хоёрдугаар бүс болох Эрсдэлийн удирдлага, комплаенсын газрыг тодорхойлсон. Түүнчлэн Мөнгө угаах болон терроризмыг санхүүжүүлэхтэй тэмцэх бодлогыг ТУЗ-өөс баталж, бодлогын хэрэгжилтэд нь хяналт тавин ажилладаг. Мөн Мөнгө угаах, терроризмыг санхүүжүүлэхээс урьдчилан сэргийлэх дотоод хяналтын хөтөлбөрийг Гүйцэтгэх удирдлагаар батлуулан бүхий л үйл ажиллагаандаа баримтлан ажилладаг.
Бодлогын хэрэгжилтийг хангах үүднээс ББСБ нь Хуулийн нийцлийн үнэлгээ хийх журмын дагуу жил бүр компанийн үндсэн үйл ажиллагаанд Хууль нийцлийн үнэлгээ хэрэгжүүлж, ТУЗ-д танилцуулдаг. Түүнчлэн ББСБ-ын Шүгэл үлээх журмын дагуу компанийн ажилтнууд хууль тогтоомж, компанийн дотоод дүрэм, журмыг зөрчсөн үйлдлийг илрүүлэх, тухайн зөрчилтэй холбоотой гомдол мэдээллийг хүлээн авах, шийдвэрлэх асуудлыг зохицуулсан болно.
Эрсдэлийн удирдлагын бодлогоор эрсдэлийн удирдлагын тогтолцоо нь хамгаалалтын гурван бүсийн зарчимд тулгуурладаг бөгөөд үүний дагуу компанийн холбогдох газрууд хамгаалалтыг хэрэгжүүлдэг. Хуулийн нийцлийн үнэлгээний журмын дагуу Хуулийн хэлтэс нь компанийн үйл ажиллагаа болон дүрэм журмуудад үнэлгээ хийн ажилладаг. Шүгэл үлээх журмын дагуу Дотоод аудитын газар нь компанийн ажилтнуудын зүй бус үйлдэл, дотоод дүрэм журам зөрчсөн үйлдлийг шалгаж шийдвэрлэдэг. Мөнгө угаах болон терроризмыг санхүүжүүлэхтэй тэмцэх бодлогод заасны дагуу комплайнсын ажилтан нь мөнгө угаах болон терроризмыг санхүүжүүлэхээс урьдчилан сэргийлэх үйл ажиллагааг хэрэгжүүлэх чиг үүрэгтэй ажилладаг. |
2 |
100 |
|
ЗУРГАА. ЭРХ БҮХИЙ АЛБАН
ТУШААЛТНЫ ЦАЛИН УРАМШУУЛАЛ |
|
|
6 |
25 |
| 1 |
Эрх бүхий албан тушаалтны цалин, урамшууллын хэмжээ нь компанийн
алсын хараа, онцлогт тохирсон, шударга, ил тод байна.
|
6.1. ТУЗ-ийн гишүүний цалин, урамшууллын
хэмжээ, олгох хэлбэр, давтамжийг хувьцаа эзэмшигчдийн хурлаар ил тод
хэлэлцэж батална. |
Бүрэн хэрэгжүүлсэн
|
ТУЗ-ийн дэргэдэх Цалин урамшууллын хорооны журамд заасны дагуу Аудитын хорооны гишүүдийн саналыг үндэслэн ТУЗ-ийн гишүүдийн цалин, урамшууллын хэмжээ, олгох, хэлбэр, давтамжийг жил бүр Хувьцаа эзэмшигчдийн хурлаар хэлэлцүүлдэг.
2026 оны 04 дүгээр сарын 29-ний өдрийн Хувьцаа эзэмшигчдийн хурлаар батлагдсан ТУЗ-ийн үйл ажиллагааны жилийн төсөвт, гишүүдийн цалин, урамшууллын хэмжээг тогтоосон болно. Хувьцаа эзэмшигчдийн хурлын шийдвэрийг компанийн албан ёсны цахим хуудсанд нээлттэй байршуулсан болно. |
2 |
100 |
| 2 |
6.2. Компани цалин, урамшууллын хэмжээг
тогтоох үндэслэл болсон ажил үүргийн бүрдэл хэсгүүд, ажлын
гүйцэтгэлийг үнэлэх шалгуурыг цалин, урамшууллын бодлогын баримтад
тусгана. |
Бүрэн хэрэгжүүлсэн
|
Компани нь “Ажилтны цалин хөлс, хөнгөлөлт хангамж, цалин урамшууллын журам” болон “Ажилтны үнэлгээний журам”-тай бөгөөд уг журмуудаар компанийн бүх ажилтнуудын цалин хөлс, урамшуулал тооцох арга, хэлбэр, ажилтнуудын ажлын гүйцэтгэлийг үнэлэх шалгуур зэргийг зохицуулсан.
ТУЗ-ийн дэргэдэх Цалин, урамшууллын хороо дээрх бичиг баримт болон хорооны үйл ажиллагааны журамд заасныг үндэслэн жил бүр компанийн хэмжээнд дагаж мөрдөгдөх цалингийн матрицыг баталдаг. |
2 |
100 |
| 3 |
6.3. Компанийн жилийн үйл ажиллагааны тайланд
гүйцэтгэх удирдлагын үндсэн цалин, шагнал бусад урамшууллыг олгох
гүйцэтгэлийн шалгуурыг тусгана. |
Бүрэн хэрэгжүүлсэн
|
Гүйцэтгэх удирдлагын цалин, урамшуулал олгох гүйцэтгэлийн шалгуур болон харгалзан үзүүлэлтүүдийг 2025 оны үйл ажиллагааны тайлангийн 27-р хуудсанд тусгаж, цахим хуудсанд байршуулсан.
Компани нь Бизнес төлөвлөгөөнд тусгасан Тэнцвэржүүлсэн онооны систем дэх зорилтуудын биелэлтээр Гүйцэтгэх захирлын ажлын гүйцэтгэлийг үнэлж, цалин болон бусад урамшууллыг олгодог болно. |
2 |
100 |
|
ДОЛОО. ОРОЛЦОГЧ
ТАЛУУДЫН ЭРХ АШИГ |
|
|
8 |
25 |
| 1 |
Компанийн үйл ажиллагаанд оролцогч талуудын эрх ашгийг хүндэлнэ.
|
7.1. Компани нь ТУЗ-өөс баталсан бусад
оролцогч талуудтай хамтран ажиллах, хамтран ажиллах талаар бодлогын
баримт бичигтэй байна. ТУЗ болон гүйцэтгэх удирдлага нь оролцогч
талуудын эрх ашгийг хүндэтгэн, тэдэнтэй хамтран ажиллах байгууллагын
соёлыг төлөвшүүлнэ. |
Бүрэн хэрэгжүүлсэн
|
ТУЗ-ийн 2022 оны 06 дугаар сарын 22-ны өдөр баталсан Харилцагчийг хамгаалах бодлого нь компанийн цахим хуудаст нээлттэй байршсан.
Мөн засаглалын кодекст заасан бүхий л бодлогын баримт бичгүүд, компанийн удирдлагаас гарч буй шийдвэрүүдийн үндсэн зарчим нь харилцагч, хөрөнгө оруулагч, ажилтнуудын эрх ашгийг хамгаалах, мэдээлэл ил тод нээлттэй байх зарчимд тулгуурласан байдаг. |
2 |
100 |
| 2 |
7.2. Компанийн жилийн үйл ажиллагааны тайланд
оролцогч талуудтай хамтран ажиллахдаа ямар асуудалд голчлон анхаарч,
ямар стратеги баримтлан хэрхэн хэрэгжүүлж ажилласан талаар тусгана.
|
Бүрэн хэрэгжүүлсэн
|
Компанийн 2025 оны жилийн үйл ажиллагааны тайлан, тайлан дахь Удирдлагын захидалд болон Байгаль орчин, нийгэм засаглалын тайланд компанийн оролцогч талууд болох хөрөнгө оруулагчид, хувьцаа эзэмшигчид, харилцагчид, ажилтнууд болон зохицуулагч байгууллагуудын хэрэгцээ шаардлагад нийцсэн тоо баримт, мэдээллүүдийг нэгтгэн оруулсан.
Компани нь оролцогч талуудтай харилцахдаа байгаль орчинд сөргөөр нөлөөлөхүйц үйл ажиллагаа явуулдаггүй байх, МУТС гэмт хэрэгт холбогдоогүй байх шаардлагыг хамгийн чухал шалгуур болгон ажиллаж байна. Мөн компанийн Худалдан авах ажиллагааны журмаар компанид бараа, ажил, үйлчилгээ нийлүүлж буй этгээдүүдэд тавигдах шаардлагыг тодорхойлсон. |
2 |
100 |
| 3 |
7.3. Оролцогч талуудтай хамтран ажиллах,
мэдээлэл солилцох, харилцах зорилгоор компанийн цахим хуудсыг үр
дүнтэйгээр ажиллуулна. |
Бүрэн хэрэгжүүлсэн
|
Компанийн бусад оролцогч талуудтай хамтран ажиллах, тэдгээрийн санал хүсэлтийг хүлээн зорилготой “хүсэлт илгээх” цонхыг ажиллуулж, тухай бүр харилцагчийн үйлчилгээний төвөөр дамжуулан түргэн шуурхай хариу мэдээлэл өгч ажилладаг. Түүнчлэн албан ёсны цахим хуудаснаас гадна facebook chatbot, Instagram, Invescore app зэрэг олон нийтийн сүлжээгээр харилцагчидтай холбогдон ажиллаж байна.
Харилцагчийн үйлчилгээ төв нь хүлээн авсан, шийдвэрлэсэн санал, хүсэлт, гомдлыг ангилан, хамаарах нэгжид хүргүүлж, шаардлагатай арга хэмжээг авч шийдвэрлэн, улирал бүр тайлагнан ажиллаж байна. |
2 |
100 |
| 4 |
7.4. Компанийн ажилтнуудын санал, хүсэлт,
гомдлыг хүлээн авч шийдвэрлэх дотоод журам, нийгмийн асуудлыг
шийдэх, мэргэжил дээшлүүлэх дотоод журам, ажлын төлөвлөгөөтэй байна.
|
Бүрэн хэрэгжүүлсэн
|
Компани нь Шүгэл үлээх журам, Хөдөлмөрийн дотоод журам, Сургалт, хөгжлийн журам, Ажилтны санал хүсэлт, гомдол хүлээн авч шийдвэрлэх журмуудыг тус тус хэрэгжүүлдэг.
Шүгэл үлээх журмаар компанийн ажилтнууд хууль тогтоомж, компанийн дотоод дүрэм, журмыг зөрчсөн үйлдлийг илрүүлэх, тухайн зөрчилтэй холбоотой гомдол мэдээллийг хүлээн авах, шийдвэрлэх асуудлыг зохицуулсан.
Түүнчлэн Хөдөлмөрийн дотоод журмын дагуу ажилтнууд ажил олгогчид өргөдөл, хүсэлт гаргаж шийдвэрлүүлэх процессыг тодорхойлж, ажилтны нийгмийн асуудлыг шийдэх талаар Ажилтны хөнгөлөлт, хангамжийн журамд тусгасан.
Сургалт хөгжлийн журмаар ажилтны мэргэжил дээшлүүлэх, тасралтгүй хөгжих боломжийг бий болгосон. Ажилтны санал хүсэлт, гомдол хүлээн авч шийдвэрлэх журмаар ажилтны ажлын байр, ажиллах нөхцөлтэй холбоотой санал, хүсэлт, гомдлыг хүлээн авч, шийдвэрлэн улирал бүр ТУЗ-д тайлагнан ажиллаж байна.
Байгууллагын 2025 оны жилийн үйл ажиллагааны тайлангийн 12-13 дугаар хуудсанд Хүний хөгжил, сургалтын төлөвлөгөөний хэрэгжилт, хамрагдалтын талаарх мэдээлэл, ажилтны санал хүсэт шийдвэрлэсэн байдлыг тусгасан. |
2 |
100 |
|
НАЙМ. КОМПАНИЙН СОЁЛ
|
|
|
6 |
25 |
| 1 |
ТУЗ-ийн гишүүд компанид бизнесийн ёс зүйн өндөр хэм хэмжээг тогтоож,
өөрсдөө манлайлан гүйцэтгэх удирдлага, ажилтнуудад мөрдлөг болгоно.
|
8.1. Компанийн үнэт зүйлс, алсын харааг
оновчтой тодорхойлж, хууль ёсны, ёс зүйтэй, хариуцлагатай үйл
ажиллагаа явуулах зорилгоор ТУЗ нь ёс зүйн дүрмийг баталж, нийтэд
мэдээлж, хэрэгжилтэд нь хяналт тавина. |
Бүрэн хэрэгжүүлсэн
|
Компани нь ТУЗ-өөс баталсан Бизнесийн ёс зүйн дүрэм болон Ажилтны ёс зүйн дүрмийг тус тус 2022 оноос хойш дагаж мөрдөн ажиллаж байна.
Дээрх ёс зүйн дүрмүүдийг шинэ ажилтны сургалтын хөтөлбөр, ТУЗ-ийн гишүүдийн сургалтын хөтөлбөрт тусгаж, жил бүр Хүний нөөцийн газраас нийт ажилтнуудыг хамарсан сургалтын хөтөлбөрт тусгасан байдаг.
Түүнчлэн шинээр ажилд орж буй ажилтан бүрт Ёс зүйн дүрмийг танилцуулж, танилцсан болохыг гарын үсгээр баталгаажуулан ажилтан бүрийн хувийн хэрэгт хадгалдаг.
Мөн ёс зүйн дүрмүүдийн хэрэгжилтэд ТУЗ нь мэргэжлийн хороодоор дамжуулан хяналт тавьж, компанийн зүгээс ёс зүйн дүрмийн хэрэгжилтийг хангах зорилгоор Гүйцэтгэх захирлын дэргэдэх Ёс зүйн хороо ажиллаж байна |
2 |
100 |
| 2 |
8.2. Аливаа хууль бус үйлдэл болон ёс зүйн
зөрчлийг ТУЗ, эсвэл түүний дэргэдэх холбогдох хороонд мэдээлэх
"шүгэл үлээгчийн" тогтолцоотой байна. |
Бүрэн хэрэгжүүлсэн
|
Компанийн ТУЗ-өөс батлагдсан Шүгэл үлээх журам нь компанийн цахим хуудсанд нээлттэй байршсан. Шүгэл үлээх бодлогыг танилцуулах зорилгоор компанийн шинэ ажилтны сургалт болон жил бүр заавал танилцах бодлого журмын сургалтаар Шүгэл үлээх журмын агуулга багтсан байдаг.
Шүгэл үлээх журмын хэрэгжилтэд ТУЗ-ийн дэргэдэх Аудитын хороо болон ТУЗ, Гүйцэтгэх захирлын дэргэдэх Ёс зүйн хороо хяналт тавин ажиллаж байна. |
2 |
100 |
| 3 |
8.3. Ёс зүйн дүрмээр авлига, албан тушаалын
гэмт хэргээс ангид байх болон улс төрийн үйл ажиллагааг дэмжих,
/дэмжихгүй байх/ хандив өргөх /өргөхгүй байх/ талаар зохицуулна.
|
Бүрэн хэрэгжүүлсэн
|
Авлига, хээл хахууль болон ашиг сонирхлын зөрчил, албан тушаалын эрх мэдлээ урвуулан ашиглах, хандив тусламжтай холбоотой харилцааг ТУЗ-өөс баталсан Бизнесийн ёс зүйн дүрэм болон Ажилтны ёс зүйн дүрэм, Хөдөлмөрийн дотоод журмаар дэлгэрэнгүй зохицуулсан.
Мөн Ажилтны ёс зүйн дүрэм болон Бизнесийн ёс зүйн дүрэмд заасан зөрчил нь ажилтны сахилгын зөрчилд тооцогддог болно. |
2 |
100 |
|
ЕС. ХУВЬЦАА
ЭЗЭМШИГЧДИЙН ЭРХ |
|
|
10 |
25 |
| 1 |
Компани болон ТУЗ нь хувьцаа эзэмшигчдийн эрхийг хүндэтгэн тэгш
хандаж, мэдээлэл авах болон эрхээ хэрэгжүүлэх бололцоогоор бүрэн
хангана.
|
9.1. Компани оролцогч талуудад өөрийн үйл
ажиллагаа, санхүүгийн байдал, засаглалын бүтэц, зохион байгуулалт,
гүйцэтгэлийн үр дүнгийн талаарх мэдээллийг цахим хуудсаараа тухай
бүр хүргэнэ. |
Бүрэн хэрэгжүүлсэн
|
Компани нь үйл ажиллагаа, санхүүгийн тайлангаа хагас жил, жилийн эцсээр, Тогтвортой байдлын тайланг жил бүр өөрийн цахим хуудас болон Монголын хөрөнгийн биржийн цахим хуудсаар дамжуулан хөрөнгө оруулагчид болон олон нийтэд хүргэдэг. Мөн албан ёсны цахим хуудсны хөрөнгө оруулагч цэсэд хамаарах мэдээллийг тухай бүр байршуулж, компанийн удирдлага, бүтэц, зохион байгуулалтыг мэдээлж байна.
Компанийн цахим хуудасны тайлан болон Компанийн засаглал хэсэгт үйл ажиллагааны болон санхүүгийн тайлан, засаглалын талаарх мэдээллийг авч болно. |
2 |
100 |
| 2 |
9.2. Компани хөрөнгө оруулагчидтай харилцах
хөтөлбөртэй байх ба тэдэнтэй харилцах, мэдээлэл солилцох цахим
сувгийг хөгжүүлнэ. |
Бүрэн хэрэгжүүлсэн
|
ТУЗ-ийн 2022 оны 10 сарын 07-ны өдрийн №35 тоот тогтоолоор Хөрөнгө оруулагчтай харилцах хөтөлбөрийг баталсан.
Мөн албан ёсны цахим хуудсаар дамжуулан хөрөнгө оруулагчаар бүртгүүлэх, салбаруудын хаяг байршлын мэдээлэл, вэб хуудсаар НЭВТРЭХ цонхоор дамжин өөрийн эзэмшдэг үнэт цаас болон компаниас авсан санхүүгийн үйлчилгээтэй холбоотой мэдээлэлтэй танилцах, хүсэлт гаргах, холбоо барих боломжтой.
Мөн Инвескор аппликейшныг 2023 оны 12 дугаар сараас эхлэн нэвтрүүлж, харилцагч, хөрөнгө оруулагчдад санал болгон ажиллаж байна. |
2 |
100 |
| 3 |
9.3. Компани хувьцаа эзэмшигчийн хувьцаа
эзэмшигчдийн хуралд оролцох, санал гаргах, санал өгөх, мэдээлэл авах
зэрэг хууль ёсны эрхээ хэрэгжүүлэх бололцоо, нөхцөлийг бүрдүүлнэ.
|
Бүрэн хэрэгжүүлсэн
|
ТУЗ-өөс баталсан Хувьцаа эзэмшигчдийн хурлыг хуралдуулах журмаар хувьцаа эзэмшигчдийн санал өгөх, хуралд биечлэн болон зайнаас, хосолсон хэлбэрээр оролцох, хэлэлцсэн асуудалд санал өгөх, хэлэлцэх асуудлын талаар мэдээлэл авах зэрэг хуульд заасан эрхээ хэрэгжүүлэх эрхийг олгосон.
Мөн 2025 оны хувьцаа эзэмшигчдийн ээлжит хурлыг өөрсдийн Инвескор апплекейшн, вэб хуудсаар дамжуулан цахимаар, мөн үйл ажиллагаа эрхэлж буй албан ёсны байршилдаа танхимаар хосолсон хэлбэрээр зохион байгуулсан. Энэхүү хосолсон хэлбэр нь хувьцаа эзэмшигчдийг мэдээлэл хүлээн авах, зайнаас оролцох, биечлэн оролцох, асуулт асуух, хурлын материалтай танилцах боломжуудыг бүрэн олгосон.
СЗХ-ны Хувьцаа эзэмшигчдийн хурлын зар хүргэх журамд заасан нөхцөл шаардлага, хугацаатай үүргүүдийг бүрэн биелүүлэн ажиллаж, хурлын тайланг СЗХ-нд хүргүүлж, хянуулж байгаа болно. |
2 |
100 |
| 4 |
9.4. Компанийн үйл ажиллагааны чиглэл,
өмчлөлийн бүтцийн асуудлаар хувьцаа эзэмшигчдээс санал өгөх эрхээ
хэрэгжүүлэхэд нь онцгойлон анхаарна. |
Бүрэн хэрэгжүүлсэн
|
Компанийн дүрмийн 6.5-д хувьцаа эзэмшигч нь компаниас нэмж гаргасан хувьцаа, хувьцаанд хөрвөх үнэт цаасыг тодорхой нөхцөлөөр тэргүүн ээлжид худалдан авах эрхтэй байхаар заасан. Компани нь нэмэлт хувьцаа гаргах бол хувьцааг тэргүүн ээлжид худалдан авах эрхийг эдлүүлэхгүй байхаар хувьцаа эзэмшигчдийн хурлаас шийдвэрлэснээс бусад тохиолдолд Компанийн тухай хуульд заасан журмын дагуу хувьцаа эзэмшигчдийн хувьцааг тэргүүн ээлжид худалдан авах эрхийг эдлүүлнэ.
Мөн Компанийн дүрмийн 8.5.1 дэх хэсэг, 8.5.4 дэх хэсэгт зааснаар компанийн үйл ажиллагааны чиглэлд өөрчлөлт оруулах зорилгоор Компанийн дүрмийн өөрчлөлт оруулах зөвшөөрөл олгох эрх, компанийн хэлбэрийг өөрчлөх эрх гагцхүү хувьцаа эзэмшигчдийн хуралд байна. |
2 |
100 |
| 5 |
9.5. Компани болон хувьцаа эзэмшигчдийн ашиг
сонирхол зөрчигдөхөөс сэргийлэх зорилгоор сонирхлын зөрчилтэй хэлцэл
хийх журамтай байх ба хэрэгжилтийг нийтэд мэдээлнэ. |
Бүрэн хэрэгжүүлсэн
|
ТУЗ-ийн 2024 оны 04 дүгээр сарын 29-ний өдрийн 28 тоот тогтоолоор Компанийн Сонирхлын зөрчилтэй болон их хэмжээний хэлцэл байгуулах журмыг баталж, цахим хуудсанд байршуулсан.
Журмын хэрэгжилтийн хангалт, тайлант хугацаанд хийгдсэн сонирхлын зөрчилтэй хэлцлийн тоо, хэлцлийн төрлийг МХБ-ын цахим хуудсанд тухай бүр байршуулсан. Компанийн 2025 онд байгуулсан сонирхлын зөрчилтэй хэлцлийн тусдаа тайланг хавсаргав. |
2 |
100 |
|
НЭГДСЭН ДҮН |
|
72 |
|
|
Дундаж хувь |
|
100.00 |
|